والله اعتصر قلبي عشان بنيتي ونفسيتها

بنات ارجوكم ساعدوني نوروني بنتي بصف رابع ابتدائي مشكلتها
1/غيرو توزيع الفصول
2/جاتهم معلمه مكفهرة الوجه وجافة الطباع
3/ اعز صديقاتها راحت مع بنيه ثانيه
فصارت من اول يوم راحت المدرسه مره ضايق صدرها ثاني يوم بدئت تبكي وبحرقه شديده رحت المدرسه قالو المعلمه هذا طبعها شديده والفصل ماراح نغيره لان الاهالي ماينعطون وجه فما نبغى نفتح باب
اليوم جت تصيح بقوووووه قالت
ماما انا ابيك معي بالمدرسه لانك الوحيده الي تفهميني
ماما انا ماحب المدرسه لان المعلمات والبنات يرفعون صوتهم علينا فمعناها انها تخاف من زميلتها ونقدهم وهم استققو و عليها ولا ترد هي على احد ابداُ
بعدها صرحت لي انه هذي صديقتها اخذتها بنت ثانيه رغم انها للحين تحبها بس تقول لو جلست معهم قعدو يتسرسرون ثنتينهم وانا يخلوني فقلت طيب شسوين يابنتي قالت لي انا اجلس لحالي بالفسحه فيانا س والله كسرت خاطري مت وانا اسمع كلامها هذا كنه خنجر في صدري وانا اتخيل طفلتي تجلس وحيده من بين الطالبات مالها صديقات ولا عندها جراه انها تروح للناس الي تحبهم تقول خلاص كلهم عندهم صديقات وما ابي اضايقه وبعدين واضح جدا انها ماصارت تحس بالامان تقولي انا اتمنى اصير قطعه منك ولا نفترق ابد واليوم تقولي كل شوي ماما ابغى احبك ابغى اخمك والله تغورق عيوني وارحمها بس ما في يدي حيله
انتظر تجاوبكم نصايحكم وانا الو ابوها يوفق وديتها اخصائيه اجتماعيه ولا نفسيه تفهمها وترفع معنوياتها لانه فاقد الشي لايعطيه