والله اكتبلكم وانا ابكي ابي حل

السلام عليكم ورحمة الله
بنات والله بموت ابي انام من دخلت الشهر السادس وانا احس بضيقه مو طبيعيه وماعاد انام
والله بنات بموت احس اني مره متضايقه طول الوقت دايخه وحايمه كبدي والتنفس عندي صعب
ارهاق فيني مو طبيعي ماانام وطول وقتي بس اتقلب ولا انام والله ابي انام يارب تصبرني والله كاني في الشهر التاسع
لاحول ولاقوة الابالله يمكن تقولون اني ابالغ بس والله يابنات ماانام غير النفسيه الزفت بس اصيبح وحالتي صعبه والوسواس ذابحني والله اليوم بغيت اشرب شراب كحه يجيب النوم بس خفت يجيني شي وحتى كنت ارتاح شوي اذا شربت بابونج بس حذروني منه وقالو مو زين
بنات والله كرهت نفسي والله والي حولي كلهم كرهوني بسبت نفسيتي والله زوجي يقول كرهت الي في بطنك وحتى اهلي
وانا احس اني كرهت نفسي ااااااااااااااااااااااااااااااااااه يارب عفوك وسترك والله يابنات غصب عني الي اسويه مو بيدي غير الوسواس الي ذبحني لو اكح لو كحه خفيفه اخاف واقول اكيد بتنزل المشيمه لانها كانت نازله عندي بس مشاءالله والحمدلله ارتفعت بس مره خايفه ترجع تنزل وانا ارتاح شوي اذا طلعت من بيتي بس المشكله بيتي درج اخاف اذا كثرت طلعه تنزل المشيمه ولاتقولون يابنات روحي لهلك لاني من اول حملي وانا عند اهلي وزوجي ماقصر حتى الخدامه جابلي صعبه اتركه واروح لهلي وحتى اول ماحملت ونزلت المشيمه وتعبت اهله تضايقو لاني تركت ولدهم وقعدت عند اهلي لانهم يقولون عندها شغاله ومو بكريه ويعتبرون هاذا دلع بس والله يابنات كل هاذا ماهمني بس ابي شي ينومني
الارهاق ذبحني
وابي اسالكم لاخر فيه وحده ارتفعت مشيمتها وارجعت نزلت مره ثانيه بنفس الحمل بنات تكفون افهمو انا مااسال عن المشيمه لانها مشاءالله ارتفعت بس ابي اعرف هل ممكن تنزل من جديد افهموني زين
وتكفون تكفون ادعولي ان الله يتمم حملي على خير وكل الحوامل يارب
بنات بقولكم تخيلو اني مااشرب المويه بارده اشربها حاره ومااقعد عند المكيف علشان خايفه تجيني فلونزا واتعب من جديد حتى الايسكريم اتمنى اكله وحارمه نفسي والا الان وانا انسدح وارفع رجليني مع اني اتضايق كذا بس من خوفي على البيبي يارب والله ودي اخلص وتروح اشهر الحمل بسرعه وارتاح يارب ماتعاقبني ولا تحرمني وترزق كل محرومه يارب