رندهـ

رندهـ @rndh_6

عضوة نشيطة

والله الذي لا اله الا هو اني ما كتبت ها الموضوع الا بعد تجربه شخصيه <<للاسترتش مارك

العناية بالبشرة

بسم الله الرحمن الرحيم ...


طبعا الموضوع منقول من الاخت ((الكوره المنفشه )) محبيت انقله

**((( بنات اخر الموضوع جمعت بعض ردود الكاتبه المهمه عالاستفسارات





.......................
بسم الله الرحمن الرحيم والصلاة والسلام على اشرف الخلق سيدنا محمد وعلى اله وصحبه اجمعين اما بعد


اتمنى من كل اخت تقرا موضوعي انها تدعي لي با التوفيق في حياتي العلميه والعمليه وان يغفر لي ولجميع المؤمنين الاحياء منهم والميتين ويسخر لي زوجي وذريتي ويشفيني من مرضي انه سميع الدعاء
بس هذا الي ابيه منكم سواء شفهي والا مكتوب


بدايه يا اخواتي والله اني كتبت تجربتي حتى انفع جميع اخواتي المسلمات في كل مكان لقول الرسول عليه افضل الصلاة والسلام أفضل الصدقة أن يتعلم المسلم علما ثم يعلمه أخاه المسلم وايظا عن أبي هريرة قال: قال رسول الله " من سئل عن علم فكتمه ألجمه الله بلجام من نار يوم القيامة "


لكل من تعاني من الخطوط البيضاء الشديده وحتى اثار الاكزيما اقدم لكم تجربتي


بداية القصه


من زمان يا اخواتي من بداية المراهقه طلعت فيني الخطوط والمشكله اني ما اتذكرها حمراء يعني ما كنت اطالع في جسمي بعمر ال 13 انتبهت الا والله فيه شوية خطوط على الارداف وضاق صدري مره بعدين من قل الخبره قلت اكيد بيروح ان شاء الله اذا كبرت بعد سنه زاد وما كنت اهتم با الترطيب كثير لحد ما وقع الفاس با الراس يوم شفتهم زادو المهم كبرت وصرت في سن زواج وصرت مره اهتم بجسمي ونفسي وكان كل شي كويس الا ما تركته المراهقه على جسمي عجزت تعبت ابيهم يروحون ما راحو كانو بمنطقة الارداف وتزوجت وكنت استحي البس شورتات قصيره مب استحي والله مقدر يا فشيلتي من هاالخطوط يعني كل شي كان اوكي جسمي حلو ياربي لك الحمد وصافي الا من ذيك المنطقه فا كنت اي شي اسمع عنه اجربه من الطريقه الصينيه الا الصبار مافيه لوشن والله ما اقرا عنه الا اجيبه كل شي عندي اي شي تسمعون فيه عندي حتى اهلي يقولون وش دعوى داخلين بدي شوب كل شي تتوقعونه عندي لعلاج الخطوط شوفو بس ابن ادم يعني ما كان يشغلني في جسمي الا الخطوط الي في ذيك المنطقه تخسرت وتعبت على الفاضي
وفي يوم من الايام وش تتوقعون صااااااااااااار


انتشرت الاكزيما في جسمي انتشار غير طبيعي شوهت جسمي والعبت فيه لعب غير طبيعي وبدال ما اركز على منطقه وحده صرت اطالع جسمي واصيح تشوهت يا بنات والي جربت الاكزيما تعرف عن ايش اتكلم ما خليت دكتور ما رحت بس جسمي قلب فحمه قلت سبحان الله بساعه بلاني ربي والحمدلله على كل حال يعني بدال ما كان يضيق صدري لاني مو قادره البس شورت صرت ما اطلع حتى كعب رجلي


في يوم من الايام وها الكلام قبل تقريبا 3 شهور او اقل بكم يوم دخلت منتدى وكانت فيه وحده الله يوفقها والله اني ادعي لها من كل قلبي والله اني مو متذكره اسمها بس الله يعطيها على قد نيتها ويوفقها كانت كاتبه عن طريقتها انها تستخدم زبدة الشيا مع زيت زيتون وانها اخذت الطريقه من وحده اجنبيه كاتبه تجربتها او با الاحرى مصوره نفسها وعارضه تجربتها وتقول انها اخذت الطريقه وجربتها كم مره وبتستمر عليها عاد مدري وش صار عليها بس الله يوفقها وين ما راحت لاني مدري وش اسمها بس كانت كويتيه


المهم
الاجنبيه الي عارضه تجربتها راحت منها الخطوط نهائيا وقالت ان صديقتها راحت منها اثار الاكزيما بعد استخدام ها الطريقه بس بشرط ان النتيجه ما تبين الا بعد 6 شهور يعني ان شاء الله بعد 6 شهور تختفي تماما وبتلاحظون التغير والتحسن من بعد شهر ونص بس بشرط الاستمرار ياااااابنات
والله الذي لا اله الا هو انها خفت مني بنسبة 80 با الميه واثار الاكزيما كلها اختفت ولي 3 شهور استخدمها ويمكن اقل بكم يوم بشرط الاستمرا ر


الطريقه هي
تجيبون زبدة شيا خاااااام بدون اضافات يعني الي عند بدي شوب هذي لوشن ترا مهب صافيه ميه با الميه وتجيبون اي عليه فاضيه نقول مثلا علبة مويه صحه الصغيره وتحطون داخلها اقل من النص زبدة الشيا الخااااااام وتعبونها زيت زيتون لحد ما يغطي الشيا حوالي 1 سنتي وتقفلون العلبه وترجونها كويس وبقوه لحد ما تمتزج بزيت الزيتون وبعد ما تتروشون وتتليفون وتنشفون اجسامكم تحطون بيدينكم وتمسحون على كل جسمكم انا اكثر منه بصراحه يعني احط وارجع احط مره ثانيه وادلك جسمي لحد ما احس انه تشرب والبس واطلع من الحمام طبعا بتحسون با اللوشن الي سويتوه وبعظكم يمكن يقول ريحته او ثقيل انا كذا اول مره بس بعدها بربع ساعه بيختفي كل شي وكنك اصلا ما حطيتي شي ويوميا سووها والي زوجها مو فيه او زايره اهلها كل ما حست انها فاضيه تحط من ها الخلطه بس بتحس انها اثقل عكس لما تتروشين المسامات بتكون مفتوحه بعد المويه الدافيه والتليف فا على طول يمتصها الجسم بس اذا حطيتيهاا وجسمك ناشف مره ثانيه بتحسين انها اثقل وريحتها اقوى انا يوميا اتروش واحطها من بداية اليوم واذا جيت انام اتروش واحط من زبدة الشيا الحالها بدون الخلطه ادهن جسمي وبعد نص ساعه بتختفي ويصير جسمك رطب ويلمع استمرو والله ان الخطوط الي بجسمي لازم اتدققين علشان تشوفينها يعني لسا ان ربي احيانا ولحقنا خيران شاء الله بعد 3 شهور ثانيه تكون مختفيه وتصفي الجسم بشكل خيالي يا بنات والي اباطها اسود تدهن حتى اباطها وازنودها كل الجسم وكل ما فضيتو حطو من الزبدة الحالها يعني عليه بشنطتك وعلبه في البيت بس لازم الاستمرا ر والي كارهه زيت الزيتون تحط معها زيت لوز انا استخدمتها لمدة 20 يوم مع زيت اللوز بعدين قلت خليني على زيت الزيتون


نجي للاسئله الي انا متوقعتها منكم
من وين تلقون زبدة الشيا الخام


من محل اسمه loccitane
وبرضو تلقونه عند محل اسمه ان كاني ما غلطت اسمه كنز الطبيعه او كنوز الطبيعه في غرناطه اما الي في بدي شوب ونكتار فهي لوشن يعني اذا بتاخذونه خلوه مرطب دائم بس الاصل الي انا كتبته لكم


شي ثاني الله يجزاكم خير لا تسئلوني عن اسم الاجنبيه او وين الموقع الي شفتها فيه اعذروني ما ابي اخذ اثم احد لانها شبه عاريه فا ماودي اخذ ذنبكم الله يتوب علي


ولا تنسوني من دعائكم في ها اليوم الفضيل ويشفيني ربي مما ابتلاني فيه

هذا يأقلبي رد الكاتبه لوحده من البنات ....وايوة هي زي الكريم تجي

حست بالصفحات عشانك :$

========

روحي ياشيخة الله يوفقك , ويرزقك سعادة الدارين ..ويشفيك ..ويجزاك الف خير على هالموضوع الجنان

والله اختي تعبت من الاكزيما ومالقينا لها حل والله راح تدعيليك من قلبها

يالغاليه وين ممكن الاقي محل كنوز الطبيعه واذا ممكن رقمهم
جزاكي الله خير

=======
يا اختي انا كاتبه انه في مجمع غرناطه الي في الرياض وغيره ما ادري اذا لهم فروع ثانيه بس اتذكر سئلته مره وقال لي لاء يمكن افتحو الحين الله اعلم ياليت البنات يفيدوننا


...

========
وهذا من الردود
===

وكنوز الطبيعة تعرفين وينه فية .. لأن صاحبة الموضوع تقول من كنوز أفضل ((هذا اللي فهمته ))

=========
هلا اختي اانا ما استخدمت غير علبه من كنوز الطبيعه وباقي العلب من لوكسيتان وكلهم اصلييين بس حسيت ان الي من كنوز الطبيعه اجمد اكثر وهذيك اخف شوي بس كلهم اصلين وحلوين وكل وحده وميزانيتها الي ما تقدر على لوكسيتان تستخدم الي من كنوز الطبيعه يا قلبي وسعرها عند لوكسيتان العلبه الكبيره اعتقد 172 او 182 وعند كنوز الطبيعه 40 او 44 مشكلتي ما اتذكر الاسعاربا الضبط


====

محل لوكسيتان موجود في الرياض في سوق صحارى وفي الحياة مول

====

حبوبة وين فيه كنوز الطبيعة في الشرقية
كود له فرع في الشرقية
:35:
لأن من ردودك (لوكستيان ) غالي وتفضلين كنوز الطبيعة
ومشكوووووورة
والله يجزاك خير ياااااااااارب
===

والله يا اختي انا ما اخذت من كنوز الطبيعه غير مره وحده اما كل المرات من لوكسيتان وعلبته اكبر من كنوز الطبيعه بمرتين ونص بس كله اصلي لان محل لوكسيتان اقرب لي من كنوز الطبيعه وها المحل مو موجود غير في الرياض ولوكسيتان موجود في الظهران مول في الشرقيه




========


وهذا ...

اهلين اختى الغاليه وجزاك الله عنا كل الخير والله يتمم عليك نعمته ويحفظك ويسعد قلبك
المهم مابي اطول عليك وماودي اغثك واعذريني على السؤال بالنسبه للخلطه زبده الشيا
مع زيت الزيتون نص العلبه زبده والنص الثاني زيت وجزاك الله خير
===

يا اختي انا حطيت مثال علبة مويه الصحه بس مو شرط تسونها فيها ومو شرط نص العلبه ان بغيتي ربع العلبه بس الي اقصده الكميه الي تحطينها من زبدة الشيا صبي فوقها زيت زيتون لحد ما يكون مرتفع عنها بمقدار بسيط 1سم او 2سم بعدين ترجينهم وتستخد\مينهم وقبل كل استخدام رجيهم

===


تعبت من التقليب بالصفحات ...

راجعه لكم ان شاءالله ...

واي استفسار ان شاءالله بلاقي له جواب ....


****

=======

طفله البحر ...
يالبى قلبك على هالدعوات ...

امين ويأك

شششششششكري لمرووركم
والله يأرب يشفييييينا كلنا
9
2K

يلزم عليك تسجيل الدخول أولًا لكتابة تعليق.

تسجيل دخول

.. Raansi ..
.. Raansi ..
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
$$شيهانة الخير$$
موووووووووووفقة
سحرالخيال
سحرالخيال
هالموضوع كنت اجاول احصله الله يجزاااااااااااااااااااااك الف خير
افياء 2010
افياء 2010
لا اله الا الله
ديمه**
ديمه**
واهل مكه