^والله العضيم تعبت من نفسي ^ ادخلن ساعدني جزاكن الله خير

صباح الخير عليكن ياحلوان

ببدأ بالموضوع ع طول انا يابنات أول ماتزوجت كنت مهتمه فبيتي ماشاالله:)
بعد كم شهر صرت مهمله فبعض أشياء بعدين صرت مهمله مره لدرجة المطبخ اخليه مانظفه ولا أنظف شي فيه مره الاشياء اللي آكل بها مانظفها :(
اخليها ع شكلها ولا تقولن وش هالوساخه وش الحرمه هذي الوسخه:22: والله العظيم ماكنت كذا فبيت أهلي وماتربيت كذا أصلا أنا موسوسة نظافه :42:والكل يعرف هالشي أنا ساكنه ف منطقه غير المنطقه اللي ساكنين فيها أهلي بعيده عنهم وعلى بالهم إن بيتي نظيف ويقولون ياحظ زوجك فيك الحمدلله أنا حلوه ويفكروني للحين نظيفه وشغيله ف بيتي ع شان كذا يقولون ياحظ زوجك فيك

قبل ماتزوج كنت مهتمه بالبيت عند أهلي الحمام أنظفه يوم ويوم لا وبالشهر مره بفلاش والبيت ترتيب وكنس وتنظيف بس المطبخ ماكنت ادخله كثير كانت تدخله زوجة اخوي يعني مريحتني منه وعندي اخت أصغر مني كانت ماتشتغل كثير يعني أتهاوش معها:angry2: عشان تشتغل بس غسيل الملابس كان مره عليها ومره عليه مع ترتيب غرفتنا مره انا ومره هي

الله يوفق اللي تساعدني وتقولي وش اسوي
ايه صح نسيت اقول لكن الله لايوريكن غرفة نومي تفشل مو غرفة مره كأنها غرفة عزاب
وزوجي صابر علي كل ماقول له واشكي له يقول مانتي ضاله كذا تتغيرين مع الايام والحين صارت عندي بنت الله يخليها وأنا على هالحاله

لاتبخلون علي بالنصايح ابغى شي يسهل علي شغل البيت أصلا تدرون ماأطبخ ناكل من المطعم او الله يهديني وأطبخ بالشهر مره أومرتين

لاتساعدوني ساعدوا زوجي انصحوني ع شانه حرام والله اني راحمته تصدقن وصلت بي الحاله إني أقوله تزوج مره ثانيه يمكن اتغير مو راضي

الله يعافيكن ويخلي لكن اغلى ماعندكن تقولن لي وش الحل
أنا لجأت لكن وأتمنى تردن ع موضوعي بدون تجريح