بسم الله الرحمن الرحيم
السلام عليكم ورحمه الله وبركاته
خواتي حبيباتي ............. والله ما ادري وشلون ابدأ لكن ما اوقول إلا حسبي الله ونعم الوكيل حسبي الله على كل ظالم ... حسبي الله على كل مفسد ......... حسبي الله على كل أنسان ما يخاف الله
السالفه وما فيها اليوم وبسبة الركض ورا هالوظائف الله لا بارك فيها والله عفتها عقب الي صار
اتصلت على جارتي وقالت امس وانا في المشغل الفلاني وزعو علينا اوراق وهي عباره عن اعلان عن وضائف ومحتواها
مركز نسائي بحاجه لموظفات إداريات للأستفسار اتصل على الرقم ............ طبعاً ما صدقت قلت عطينيه .................واتصلت الوا .... الي يرد رجال قلت عادي كنت موظفه في شركه ماسكه المقاصف بالكليه وصاحبها رجال ويكلمنا احياناً لضروره وبالذات اول ما توظفنا .......
المهم سلام وعليكم السلام ............ انتم مسوين اعلان وطالبين موظفات ..........نعم ....... وش مؤهلك ............ طبعاً قلت مؤهلي فقط ............ قال عندنا في المدارس وفي المستشفى وفي البنك وكل وحده راتبها اعلى من الثانيه ؟؟؟؟؟؟؟؟ تفاجأت قلت في نفسي من وين هذي .....
قالي وش تبين ............ قلت المدرسه طبعاً .......... قال خلاص عشر دقائق واكلمك .........
لاحضوا ما سئل عن اسمي فقط في البدايه هذا الي دار بيني وبينه ......... دقيقتين إلا هويدق علي ....... رديت قال تبين مدرسه قلت نعم ................... قال الأسم كامل ؟؟؟؟؟؟؟ قلت طيب ما عليش ممكن اعرف نشاطكم وشوا ............. ياالله يابنات مجرد ما سمع هالكلام قاله كلمه استغفر الله العظيم
وسكر الخط بوجهي ............. انا مثل المصفوعه على وجهي كأني ماني مصدقه رجعت واتصلت وكررت السؤال ورد بـ أكبر من الكلمه الأولى ..............
والله يوم قالت جارتي عن الورقه قلت لها لا تكون نصب قالت لا بنات جيرانا وخوات زميلاتي كلهم مكلمينها ووووووووووووووووووووووووالخ ............. لا حول ولا قوة إلا بالله
على طول اتصلت بـ مركز الهيئه بالدوادمي قلت لهم كذا وكذا والحقوا على بنات المسلمين ..... قالي المفروض تكونون اوعا من كذا مو اي رقم تخمونه حتى لو الأنسان محتاج ما تاصل ووو..........
عطاني الله يجزاه خير محاضره وبعدين قال هذي شبكه ولنا اسبوعين مراقبينها وأن شاءالله يطيح بين يدينا ...................
قولوا اَميـــــــــــــــــــــن ........... الله يشل فكره وبدنه مثل ما تلاعب بالمؤمنات الغافلات العفيفات .. ويورينا فيه عجايب قدرته ويبارك في جهود رجال الهيئه
والله يا بنات اني مانمت واحس اني ما نيب مصدقه ندري ان فيه فساد بس مو بالريقه العلنيه والوقحه هذي حسبي الله وكفى ........
احذركم وبالذات بنات الدوادمي لأني ما ادري هل هو عام بفساده وإلا فقط الدوادمي ..........
الله يحفظ بنات المسلمين .... اللهم لا تواخذنا بما فعل السفهاء وارحمنا أستغفر الله العظيم من كل ذنب عظيم
ضئ الكون @dy_alkon_1
محررة
يلزم عليك تسجيل الدخول أولًا لكتابة تعليق.
بداية غير
•
حسبنا الله ونعم الوكيل
الاصيل
•
لاحول ولاقوة الا بالله العلي العظيم ..
حسبي الله عليهم يستغلوا حاجتكم بطريقة هذي الله يحفظ بنات المسلمين ..
جزاك الله خير على التنبيه..
حسبي الله عليهم يستغلوا حاجتكم بطريقة هذي الله يحفظ بنات المسلمين ..
جزاك الله خير على التنبيه..
ضئ الكون
•
خواتي ........ بداية غير .......... الا صيل ............. بارك الله فيكم والله يستجيب لكم وارجو كل من مرت على الموضوع ان تدعي عليهم لو بالغيب .... وجزاكم الله خير حبيباتي
ضئ الكون
•
أختي حواء ثقيف ... جزاك الله خير لا والله فارقهم خوف الله وعلى عينك ياتاجر لا حول ولا قوة إلا بالله ...
الله لا يغضب علينا والله يوم طلعت الظهر وشفت العجاج قلت عسى الله يرحمنا برحمته ولا يغضب علينا
الله لا يغضب علينا والله يوم طلعت الظهر وشفت العجاج قلت عسى الله يرحمنا برحمته ولا يغضب علينا
الصفحة الأخيرة