السلام عليكم ورحمة الله وبركاته
بدخل بالموضوع دايركت بس قبل كل شي بذكركم ان كل كلمه اكتبها لكم منصحه فيكم ولا ابالغ ومالي اي مصلحه للمبالغه لاني بصراحه قريت مواضيع كثيره في منتديات كثيره يبالغون في كتاباتهم وما ادري ليش بالضبط وكأنه هالمنتج هم صانعينه ويبون يروجون له!!
لكن ( اقسم بالله العظيم اني انا صادقه ويشهد رب العالمين علي)
وبقولكم قصتي مع كريم اساس استعملته واعجبني واعجب الكل لكن اختفى من الاسواق ..
قبل فتره (سنتين تقريبا) اشتريت كريم اساس من (( Oil Of OLAY))
ويشهد علي رب العالمين ان كلمة روعه عليه قليله اقسم بالله العظيم يابنات انه شي مو معقول
وعشان اكون واضحه اكثر الاساس اللي جربته منهم كان زي لون بشرتي تمااااما لكن سبحان الله لامن حطيت منه يجملني بشكل مو طبيعي ويصحح اخطاء وعيوب البشره والله العظيم يابنات انه كل البنات انجنوا عليه يقولون مطلعك قمر15 ومناسب لبشرتك حتى وحده من صديقاتي اخذت اسمه وتقول كل ماسألت عنه طلعوا لي اولاي بالتوت والا اولاي للنهار والليل او التفتيح ومحد عرفه!!! واخذت العلبه ودارت كل المحلات وماحصلته .....
هو مناسب لبنات الكليه والزيارات العاديه لأن تغطيته خفيفه وفيه لمعه واضاءه ناعمه وتعطي بشرتك لون يسحر
خاصة مع حمرة كاراجا الورديه ومن مميزاته:
1- لون جذاب
2- اضاءه ولمعه خفيفه مناسبه
3- يصحح عيوب البشره
4- مايبقع ولايتأثر بالعوامل الخارجيه
5- سبحان الله يطلعك قمر واذا استعملتوه واحد قال لكم نفس كلامي تذكروني :)
6- يستخدم بدون بودره
وبصراحه كنت مستانسه فيه ويوم خلص رحت اشتري عليه والنتيجه مااااااااحصلته للأسف
واضطريت اروح للمحل نفسه اللي اشتريته منه وقلت له قال لا ما اعرفه حتى وريته العلبه وماعرفها!!!!!!!
ومن ذاك اليوم وانا ادور لي اساس حلو نفس مواصفاته والنتائج كلها بائت بالفشل ودخلت مكياجي ووريته قال ماعندنا منتجات اولاي قلت انا عارفه بس ابي زي هاللون وزي اضاءته
قال والله ماعندنا بس بأمكانك تاخذي اساس وتاخذي ملمع بشره وفعلا اخذت بعد ما ايست ولاعجبتني الطريقه حسيتها تكتل وطبقه ثقيله واستخدمت الملمع لحاله ماعليه يمشي الحال
ومن هنا بدت معاناتي مع الاساس احاول القى زيه ومالقيت
عاد امس طرى على بالي قلت بدور بالصور بالنت وكل ماكتبت اساس اولاي طلع لي حق التوت اللي طايحين فيه البنات انا ماحبيته اذا حطيته اصير رماديه خخخخخخخ
المهم كتبت بالانقلش oLAY FOUNDATION والنتيجه لقيت الصوره وطرت من الفرحه لان الامل عاد من جديد بعد ان توقعت بانه انقرض من الاسواق او نزلوه تيست فقط بس اللي حصل اني لقيته بموقع اجنبي
بريطاني واللي استغربته اني لقيت منتجات ثانيه لهم مثل الارواج والكحل والبودره بصراحه عجبتني الوان ارواجهم
المهم انا اخذت الصوره عشان احطها عندكم وبذمتكم اي وحده تدخل موضوعي ترد علي اذا شايفته بأي مكان هنا بالسعوديه او الكويت تقولي عشان اروح اشتري كرتون كامل
هذا اللي استخدمت
DEEP HONEY للأستعمال اليومي ويصلح للي بشرتهم سمراء فاتحه او حنطيه
بصرااااحه يفوووووووق الوصف
وبعد حصلت هذا
DEEP BBEIGE للأستعمال اليومي ويصلح للي بشرتهم سمراء
وهذا اساس total effects age defying foundation -
يابنات ورب الكعبه ان اساسهم اللي انا استخدمته ديب هوني رووووووووووووعه يهووووووووووس
ساعدوني الله يعطيكم الجنه حطوا صورته بجوالكم واسألوا عنه وعلموني اذا لقيتوه قسم بالله لادعي للي تلقاه بكل صلاه
وقريبا راح انزل ارواجهم والبلاشر والكحل واللوس باودر