والله العظيم ان جابت في ماده وحده ضعيف راح أجملك المسؤليه كامله

السلام عليكم
كيفكم أخواتي أن شاءالله طيبين
الحكايه ومافيها بنتي ضعيفه جدا في مواد الدين و الرياضيات و لغتي
هي من النوع العنيد المتعب وعندها فرط حركة
ما انكر في صف اول وثاني ابتدائي مسكتها وحاولت أأسسها
لكن الأن في صف رابع ابتدائي
اللي خلاني ابرد واتركها معلمتها صف ثالث العام
من النوع الشديد جدا اللي تبي كل الفصل متفوق وتشد على نفسها وعلى البنات بقوه ولاتبي ولاطالبه ضعيفه عندها فكانت في الأملاء تعطينا الدرس كامل وتقول راح أمليكم من كيفي بختار أي سطرين من الدرس وأمليكم ولا عندها هذا طالب مستواه ضعيف وهذا طالب مستواه ممتاز ماتفرق تعامل الكل على انهم متفوقين وقادرين وهاالسبب خلا بنتي تصير من مستوى متوسط المستوى متدني جدا جدا جدا كانت بنتي عندها صعوبات تعلم ولا رحمتها لا في الأملاء ولا في القراءة تبي مستوى ممتاز ودايم تحط لها لم تتقن واذا قلتلها حددي الأملاء عشان اركز خليها صعبه بمليها درس كامل مت صفحتين قالت احسن يتعلمون خليها تخفق مره والمرات الجايه تمشي لكن للاسف كانت تخفق كل مره وكل مره تناديني مستوى بنتك زفت جيبي لها مدرسه حاولي تجيبين مدرسه خصوصيه لها وفهمتها وضع زوجي وانه مستحيل يجيبها البنتي والله لو شهريا ٥٠٠ ريال للمدرسه بيعيي شديد الحين الباص كل شهر ميتين ريال مسوي لنا سالفه عليها فما بالك بتزود مصاريفه ٥٠٠ بسبب مدرسه والله ان تقوم القايمه طبعا المدرسه ماراعتنا ابد وزاد حقدها ليش مستوى بنتي متدني وانا ماقدرت الحق صراحه على الضغط الشديد من المعلمه عاد هنا المعلمه ماقصرت اذاعت بالمدرسه هذي كله ان هذي البنت كسلانه والله يعين اللي بتصير بفصله وامها مهمله حتى مدرسه خصوصيه البنته ماجابت له
أبتدأت السنه الجديده راحت بنتي صف رابع
المعلمات اعوذ بالله شايلات على بنتي من اول اسبوع لم تحفظ البنت مستواها ضعيف البنت مستواها متدني رحت اتفاهم معاهم قالو بنتك ميح مييييح الدرجة معلمتها اللي العام حذرتنا منها قالت الله يعينكم قلت اها بس عرفت سبب هاالحماس الشديد اتجاه بنتي ومستواها المتدني قلت انتم خففو شوي علي عطوني حبه حبه لاتقارنوها بالبنات الشاطرات الأطفال قدرات قدرو ها الشي ساعدوني والله العظيم بساعدكم لكن وضعكم كذا حقد وحقران للطفل ومافيه اي تجاوب او تشجيع للطفل صعبه انا يا الأم بساعدكم
طبعا تجاوبو معاي لكن فتره محدوده مثل البنادول او حبة المسكن بس فتره ويروح المفعول وترجع حليمه العادته القديمه نجي الزوجي
رحت له قلت له يا ابو فلان البنت مستواه متدني فزعتك انا الرياضيات ما اعرفله بسم الله الرحمن الرحيم ممداني الا كأنها قنبله انفجر في وجهي
قالي
اسمعي يا حرمه ورب الكعبه لو شفت البنت جايبه ماده وحده ضعيف ماراح يحصلك طيب
هذي الدروس قدامك درسيها بتشكين وتحلسين تبكبكين عشان مدرسه خصوصيه انا ماعندي انتي عندك ادفعي
وبتقولين بنتقم منه وماني مدرسه البنت وخلها ترسب ورب الكعبه انت تصير مشكله انتي في غنى عنها
قلت انت صاحي انتقم في بنتي في رأسك شي ورب الكعبه ما اعرف للرياضيات قال وديها خواتك وديها اي احد يعرف للرياضيات يدرسها مو شغلي انا
لكن شهادته تجيني كل شي متقن مابي اشوف ولا ضعيف
انتي حرمه مقصره مع بناتك ماغير نوم وبلع انتي ماتدرين عنهم انتي وانتي وانتي وانتي وانتي تعرفون موال الرجال خلاك الحرمه الفاشله اللي ماتهتم في أطفالها يعني بالعربي اذا اشتكيتي لهم قلبو الطاوله عليك وهذا دايم نظام زوجي اذا بشتكياه دايم يقلب الطاوله علي
مع انه زوجي هو فعليا مايدري عنا من٦ ونص دوامه ٤ العصر يرجع يتغدا ياخذ له غفوه للمغرب يشرب له فنجال قهوه مع صلاة العشاء يطلع يصلي ومن المسجد للاستراحة مع اخوياه للساعه ١٢ او ١ مادري على اي اساس شاف اني مقصره مع انه مايجلس بالبيت الا اذا كان حاط كميرات يراقب هذا شي ثاني هههههههههههههه
وطبعا قبل شوي معصب ودق علي انتي مقصره مع البنت ليش مدرسه خصوصيه اصلا كله منك ومن تقصيرك ماتدرسينهم
قلت له يا فلان لاعادت من فزعه طلبتها منك ليتني بالعه موس وساكته ولا وش ابي اقولك ترى البنت مستواه ضعيف وتحتاج معلمه كان اسكت وبلعت العافيه وريحت راسي لكن عارفه انا وش بيجيني لو رسبت بتجي تقولي ليش ماتكلمتي من البدايه كان اصرفنا وبتحطها ع راسي لكن اللهم قد بلغت اللهم فشهد البنت مستواها ميح زفت تراني علمتك وابريت ذمتي وانا ماني مقصره وبحاول اساعدها لكن اذا مانجحت مو شغلي انا قلتلك الحل وانت قمت تحط فيني النون ومايعلمون
المشكله زوجي دايم يقولي ليش ماعلمتيني من بدري ليش ماقلتيلي يا ابن الناس انت انساااان ماينقالك شي لو بتكلم قلبها علي انا اللي صرت المقصره اللي ماادري وين ربي حاطني اللي بس انام وماهمني احد ورب البيت اخواتي انه سالفه المعلمهالخصوصيه لها براسي من بداية الدراسه وخايفه اتكلم لانه بيلج علي وبينافخ وبيحطها براسي وبيقلب الطاوله علي وماراح يشوف ان الموضوع حرص مني لا بيشوفه كسل واني مقصره عشان كذا اسكت واتحاشا المشاكل معاه وش الحل في هاالنوعيه تكفون