السلام عليكم ورحمه الله وبركانه
خواتي هذي تجربتي نزلتها بمنتدى ثاني واسمي فيه مامه غناتي
التجربه روعه ومفيده وشهري ولله الحمد اكثر من رائعه
ببساطه هذا بضبط اللي كتبته هناك عشان ما يصير في زعل لا هني ولا هناك
هذا الموضوع
وهذي صوره المكونات وصوره شعري بعد وياه
وفي بصوره فيتامينات للشعر روعه
بس بالله قولو ماشاء الله
قوه بنات بصراحه اشوف اللي يعانون من مشاكل الشعر واجد وانا الحمد لله قبل 3 شهور كنت ابي شي يخليني اغمض وافتح يطول شعري
والله يا بنات اني بشهر 9 الصيف اللي فات صيف 2008كنت قاصته كاريه فرنسي رقبتي كلها طالعه الحين ( تكفين قولي ماشالله ) شعري لخصري ولله الحمد اهو يتنح شوي اذا كان عند المتن بس بعدين يسحب بسرعه { هذا الكلام قبل اربع شهور لما كتبت الموضوع هناك الحين لو ما اقصه وصل لتحت ردفي لان انا اساسا ما احب الشعر يطول اكثر من حد الخصر قصيته من شهر ثمانيه سنه 2009اربع مرات كل مره اقص منه ثلاث اصابع بس }
اقولكم جدولي وامشو عليه وجد بتدعون لي ما ابي الحين ابي لما تشوفين شعرج تغير
اول شي روحي العطار اخذي زيت اسمه اوزار انا اشتريه من عطار الفردوس ق 3{موجود بصوره}
ثاني شي تجيبين حبوب دياني 35 حبوب المانع وتطحنين 5 حبات وتحطينهم بالدهن
انا استخدمه مرتين بالاسبوع لمده ساعتين بس قبل الحمام{ اذا شعرج مره تعبان او تبين نتيجه اسرع استخدميه يوم وترك}
بالاضافه تجيبين اكليل الجبل والبابونج تغلينهم بماي وتاخذين المغلي وتحطينه برشاش ماي راح يكون مثل التونك للشعر بعد الحمام والشهر نظيف { يمكن الاستغناء غن البابونج اذا ما تبين لون شعرج يتغير لانه يفتح لون الشهر للكستنائي}
انا احطه يوميا
يخلي لون الشعر حلو ويطول ويقوي الشعر بشكل ملحوض
اهو راح يخلي الشعر جنه مدبق اذا كنتي متزوجه حطيه بوقت غياب زوجج وغسليه بماي بس
واذا لا كل ما طول على الشعر احسن
وبصراحه شكله مو شين على الشعر
جربي لمده شهر وبعد التجربه ولما تشوفين النتيجه تكفين ادعيلي من قلب
دعوه حلوه
لاني والله قلتلك سري وجد كل من يشوف شعري يتوقع اني موصله لدرجه اختي معاي بالبيت اكون رابطته لفتره ما افله لمده اسبوعين افله تنصدم تلمس شعري وتدخل ايدها تقولي انتي موصله مستحيل شلون قاعد يطول بهسرعه
دعائكم
الله يحفظلي وليدي ويهديني ويعوضني خير
واللي تنقل الموضوع عليها بالعافيه
بس تذكر المصدر
اللي اهو انا مطيريه ذهيبيه او مامة غناتي
تحياتي
انا كان غزير مثلك والحين كله شيب وفراغات ومن الامام صحراء مافي شعر كله من الحسد
المهم اختي انا مايهمني شعري يطول لكن الايهمني هل طريقتك تنفع للعندهم تساقط غزير وفراغات بالشعر يعني تنبت شعر؟
وسؤال حبوب المانع قصدك فيها حبوب منع الحمل ديانه؟كم سعرها؟
وشنو اسم فيتامين الشعر؟
بس المشكله اختي مشاءالله انتي ماعندك فراغات لوتعرفي احد عنده فراغات ونبت له شعر غزير فيديني ربي يسعدك؟