بدون مقدمات هذه وصفه اخذتها من منتدى مغربي قلت بما ان أغلب خلطاتنا مغربيه ليش ما أخذها من المصدر مسويه شاطره:42: المهم لفت انتبهي هذا القسم بالله واسم الله كافي بس المشكله الهجه المغربيه:(ماعرفتها قلت انقلها لكم ولي تعرف الهجه تترجم
والله العظيم غادي تستغناي على الكريمات والبومادة فالوصفة ديالي وبالتجربة
وصفة للعناية بالبشرة
جربت وصفة غزالة كنت خديتها من منتدى اخر ومن واحد السيدة الله يجازيها بالخير واللي قرى الوصفة غادي يعرف من اينا منتدى جبتها ههههههه
المهم البنات الوصفة كتصفي الوجه وكترجعلك بحال ايلا دايرة فوندوتان واكيد ايلا تبعتيها غترجعي فنة حيت طبيعية والحوايج اللي فيها طبيعيين الصراحة انا كان وجهي صافي غير الكينة ديال الحمل خسرتولي ودارلي الكلف رجع وجهي كله كحل والحبوب وكلت نجرب هادي والحمد الله وافقتي وحتى راجلي كل نهار كيكولي بياضيتي هههههه
اكتر عليكم واقيلة يلاه نخليكم مع الوصفة
كتاخدي
+ خيارة تغسليها وتقطعيها مربعات بقشورها وبزريعتها
+ 1 خيزو منقي ومقطع
+ شوية ديال الروز داك الصغير ماشي داك الطويل
+ قرعة ماء الورد الاصلي وغير واحد الملاحظة راه ماء الورد اللي كيتباع ماشي اصلي حيت كنت كنشريه قبل وملي جيت لقلعة مكونة شريته واحد النهار ولاحظت بلي كاين فرق كبير بين ماء الورد اللي كنشريوا وبين هدا
+ ربطة معدنوس مغسولة ومنقية
+ماء معدني
كتاخدي معدنوس وديريه فكاصرونة مع ماء معدتي وتخليه يطبخ شوية
كتزيدي عليه الروز وخليهم يطبخه شوية وطفي البوطة ملي يبرد زيدي عليه الخيار وماء الورد وخيزو وطحنيه فمونينكس وديريه فمكعبات وكل نهار دوزيه 2 مرات لمدة 15 يوم وشوفي كيف ترجعي وملي توصلي النتيجة اللي بغيتي بقاي ديريها مثلا 3 مرات فالسيمانة
ها الخليط كيف كيكون
بقاي بيه نص ساعه وغسلي وجهك وكنصحك بصابونة ديال الورد حتى هيا لقيت فيها راحتي كتصفي الوجه وكتخلي ريحة زوينة ورخيصة ولكن خصها تكون اصلية يعني من بلاصة الورد
والله العظيم غادي تهناي من اثار الحبوب وغادي تبياضي وجهك يولي صافي وكل هادشي كيطيح عليك رخيص وكتهناي حيت كديري حاجة طبيعية ماشي بحال الكريمات
واي استفسار البنات انا هنا وحتى بالنسبة ماء الورد اللي بغاته وكانت قريبة ليا على الراس والعين
فهمت بعض المفردات ..
غادي ..........هذه
تهناي ..........تنهي
بغاته .........ارادته
هادشي .........هالشيئ
بقاي ...............بقي
معدوس ............عدس
روز ................أرز
زوينة ..............زينة