والله الغيره بتموتني.. ساعدوني..

اخواتي اتمنى منكم المساعده ....
انا من فتره انخطبت وهذا بالنسبه ليا زواجي الثاني... المهم خطيبي انسان غامض من وجهة نظري وطبعا طبع الرجل ما يخلى من الكذب من فتره وانا كل مادقيت عليه القى جواله انتظار في اي وقت حتى في الليل وكل ما سألته قال واحد من العيال بس انا احس انه بيكذب عليا احيانا يقنعني واحيانا مهما حاول احس اني ماني مصدقته والشي هادا عمل فجوه بيني وبينه وفي كل اتصال لازم نتناقر لنفس السبب وصار مايكلمني زي اول وصرت احس انه بيتهرب من مكالمتي انا بجد ماني عارفه كيف اتصرف هل اني اتغاضى عن حركاته وخصوصا انه هو يموت في استفزازي احسه مره ينبسط لمن يستفزني .. أو احاسبه وابينله اني عارفه كل شي مهما خبى ... بس في شي في قلبي احساس غريب ورهيب ومميت احس بنار جوايه ... انا عارفه نفسي ممكن استحمل مره وحده بس واسكت لكن في اقرب فرصه اخرج كل اللي سكت عنه وهو طبعا مايبغى احد يحاسبه ما ادري اللي فيا غيره والا شك والعياذ بالله انا بجد تعبت....

اتمنى من الأخوات المتزوجات اللي عندهم خبره في الرجال النصيحه وكيف اعرف اذا في انسانه تانيه بحياته والا لأ.....