والله الموت ارحم لي .. تكفون دشوووا

السلام عليكم ورحمه الله وبركاته


امانه امنتكم يا بنات اقروا الموضوع كله حتى لو ما تبون تردون ابي احد يحس فيني
يا بنات ببدى بالموضوع انا وحده مشكلتي مشكله وبصراحه بديت احس اني مريضه نفسيه قاعده ابكي من سنه تقريبا لنفس السبب وكل مره ابكي فيها تزداد عن الي قبلها ولا اخفي عنكم اني ابكي يوميا تقريبا لخمس ساعات متواصله من اسبوع ولا اخفيكم اني اود الانتحار !! .. يمكن البعض يشوف مشكلتي عاديه لأن ما اعتقد ان في احد مثلي واذا في قولولي الله يخليكم انا وحده مشكلتي اني هااااااااااااديه بس ما تعرفون اي هدوء هدوء قاتل يذبححححححح يعور القلللللللللب يخلي الكل ينفر مني يخليني بعيده عن هالعالم وعن اعين الناس مع اني موجوده معاهم !! بس ما احس انهم يحسون بوجودي احس كأني ميته بس قاعده اتحرك واروح للمكان الي ابيه تخيلوا ماني عارفه ليش كل من يشوفني يقول عني هاديه ؟!؟! وترى انا يا بنات احب جمعه البنات والسوالف بس مشكلتي اني هاديه وهدووووء يذبح حتى الكل يسألني انتي ليش هاديه ؟ حنا ما نحب البنات الساكتات ... مع اني قبل ما اشوف نفسي هاديه حيييييل بالعكس اي اشوفه بالتلفزيون او بالمجلات والجرايد ويكون مهم يعني كل الاخبار تكون عندي واقعد اسولف بس ما ادري ليش يقولون عني هاديه ؟ حتى ابوي قبل شويه قعد يمدح خواتي ويقولون عن اختي الي توها متزوجه انها
احس وحده فينا وان سوالفها حلوه وقالت اختي الثانيه وانا وقال انتي بعد سوالفج حلوه وقال عني انا فديت (( اسمي )) بس حكيها قليل وانا كنت قبلها اسولف مع اختي بس من قال هالكلام انصدمت !! وسكت ما تكلمت وقعدت شويه وطلعت ورحت لغرفتي ابكي .. وانا قلت يمكن انا اتوهم اني مو هاديه وهم هاديين فرحت قعدت مع اختي المتزوجه وقعدت والله العظيم ساعه وانا كلا اسولف وهي كانت ساكته (( اجل ليش ابوي يقول يا حلو سوالفها واني ما اتكلم واجد ؟؟)) ومره يا بنات كنت واقفه بره بالهده (( يعني لما طلعنا من المدرسه ووقفنا ننطر اهلنا )) وصديقتي الي اسولف معاها راحت مبكر وجتني ابلتي الالعاب وقالت انتي كلا ساكته ؟؟ والله يا بنات كرهت هالكلمه اقسم بالله كرهتها وكرهت نفسي .. احس كل ما يقولون هالكلمه عني ازداد هدوء وامس بكيت واجد يا بنات وتخيلوا من زمان ما سمعت احد يقولي هالكلمه الجارحه ((اني هاديه )) واليوم الثاني قالت لي مدرسه انتي متى راح تتكلمين بس على ضحك .. انا استغرب في كذا وحده بالصف ما تشارك هالناس ما تنحط عيونهم الا علي ؟؟ وتوني امس ادعي الله اني اكون ثرثاره وبالعه راديو وطلعت لي هالابله والله من قالت لي هالكلام رحت ابكي بحمام المدرسه ودخلت الصف بعدها والكل منصدم من حمار عيوني ويسألني ليش عيونج صغرت (( وعيوني صغرت من البكي )) .. واحس ان محد يشوفني ابدا حتى الي اقعد معاهم ولا الابلات ليش يا بنات انا في شي يخفيني عن هالعالم ؟!؟! .. انا ما اشوف نفسي بالهدوء بس كلامهم يذبحني حييل صج اني هاديه بس مو لي هالدرجه ؟؟!! والله من امس رديت قعدت ابكي من الساعه ثنتين لي 7 المغرب وكنت كلا اطق نفسي وواحط ايدي على حلقي اذا بكيت عشان محد يسمعني من اهلي وانا ابكي والله يا بنات احس روحي بتطلع .. والله لو اشكي واعبر من الحين لي بكره محد راح يفهمني وحتى انا اكتب هالموضوع للمره الثااااااااانيه عن هدوئي احس روحي بتطلع .. بالاخير ابي اقولكم هل انا هاديه ؟ والي صارلي اخر شي اني اطق نفسي يعني صرت مريضه نفسيه ؟!؟!؟ او هل من الممكن اني اصير آآآآآآآآآآآآآآآآآآآآآآآآآآآآآآه ودي اصرررررررخ كل ما قال احد لي انتي ليش ساكته تكفوووووووووووووووون تكفوووووووووووووووووووون تكفووووووووووووووووووووووووون لا تنسوني بالدعوات ادعولي اني اصير اكبر ثرثاره بهالدنيا آآآآآآآآآآمين .. وبليز مابي احد يدخل ويمدح الهدوء ويقول بالعكس الهدوء حلو وشي جميل وما ادري شنو وبالاخير تقولون ما راح ندعليج احسن لج تكونين هاديه انا ابي تتكلمون معاي بصراحه وتكونون واقعيين شويه وبليييييييييييييز لحد يدخل من غير ما يدعيلي هالموضوع مثل ما قلت اكتبه لكم للمره الثانيه وشكلي راح اكتبه للمره المليون

وحبيت اقول شي يثير استغرابي حيييييييييييييييييييل ليش لما اقعد مع بنت ثرثاره القاها تسولف مع هذي وهذي وهي تكون صديقتي بس لما نكون بروحنا القاها ساكته ما تسولف ولما تجي تقولها سالفه ما قالت لي عنها ؟!!؟؟! هالشي لاحظته على كذا وحده مو بس وحده !!!! ........ اتمنى اي ثرثاره تجاوب على هالسؤال او الي تعرف الاجابه .. احس اني محتاره حيييييل ومقهوره بنفس الوقت

واحب اقولكم اني احب واحد شفته مره بدوله اروبيه ولا ازال احبه مع انه لا يعرف ذلك يعني كأنه واحد شفته بسوق واعجبت فيه يعني ما ادري عايش او ميت بس الي حبيت اقوله اني من يوم ما شفته وللحين افكر فيه وكلا ابكي لما افسر احلام انه ما يفكر فيني يعني تقدرون تقولون مجنونه او على حافه الجنون او مريضه نفسيه وتبي دعوه تغير شخصيتها العاطفي حيل أدري داخل عرض هالموضوع ولا تردون عليه انا ابي تردون على الموضوع الاساسي بس ابيكم تعذروني اذا قلت الموت اررررررررررررررحم وانا عندي مشاكل كثيره جدا جدا جدااااااااااااااااااااااااااااااااااااااا بس ما اقدر اقولها الحين ليمه احل ابسط مشكله من بين مشاكلي والله يعيني ويصربني


وبعدين هل راح ابقى على هالحال طول عمري ؟!؟!؟ لا تلوموني اذا قلت الموت ارحم


وبالاخير ما اقول غير حسوا فيني يا ناس واذا شفتوا وحده هاديه لا تسألونها أسأله بايخه مثل انتي ليش ساكته وانتي كلا ساكته .. انتوا شكو ؟؟ عندكم شي تقولونه قولوه ما عندكم اكرمونا بسكوتكم

ملاحظه :: سامحوني اذا كان فيه اخطااء املائيه لأني قاعده اكتب وعيوني متروسه دموع وفوق هذا الموضوع قعدت اكتبه ساعتين (( لأني كل شويه اوقف الكتابه وابكي على نفسي واضرب عمري احس اني كرهت نفسي اكثر من اعدائي صرت احب اعدائي اكثر من نفسي تصوروا !!))


لا تنسون قولولي يااااااااااااااااااارب تصرين اكبر ثرثاره