والله الي سمعته شي يحزن وبديت اوسوس؟

السلام عليكم ورحمة الله وبركاته

اسعد الله صباح كل الموجودين وكمان النايمين
مااطول عليكم بالسالفه الي لفت راااااااااااااااااااااسي لف

البارح كلموني اخواتي وقالوا يالله روحي معانا عند جارتنا القديمه طبعا انا وافقت ورحت معاهم بس ياليت مارحت

هذي الجاره ماشاء الله لاقوة الا بالله كان يضرب بها المثل باهتمامها بزوجها وبيتها وكانت في نظري امراه مثاليه المهم انا تقريبا لي ثلاث سنوات ماشفتها ولما رحت عندها البارح لقيتها انسانه ثانيه
متحطمه كارهه زوجها وتقول انها كانت غبيه لما كانت تهتم بزوجها وتداريه وتشيله على كفوف الراحه وانها ندمانه على تعبها الي راح وانه الرجال مايستاهلون الا تعاملينهم بالتطنيش والتصريف والدفش
وطول جلستنا وهي تحكي وتقنعنا انه مهما سويتي للرجال مايملي عينهم الا البحر وتقول لما تغيرت صار زوجها يتكلم معها ويداريها ويهتم فيها بس ماصارت تعطيه وجه وتقول لما كنت احتاج هذا الاهتمام كان يضربي عرض الحائط وتقول والله انه مهما راح يسوي لها يعني لها ا ي شي

اما الليله رحت الاستراحه وطبعا بالشهر مره وحد ه نطلع فيها .,جمعة مطاوعه ,على قولهم يعني نروح ننبسط نسوي محاضره مسابقه العاب قهوه حلى ومن هذي الشغلات المهم بالموضوع جلست انا وحده وزوجي صاحب زوجها وقاعدين نسولف الا قاعده احكيها واقولها والله الشباب مررره انبسطوا البارح راحوا مطعم وبعدين كوفي ياحليلهم انبسطوا الاحسيت الحرمه معصبه وتقول اه يالنذل ولاقالي انه متعشي برا وانا طوال الليل استناه يتعشى معي واخرتها نمت بدون عشاء وقاعده تشكي من زوجها وانه وانه وانه وقاعده تقولي ابعدي زوجك عن زوجي والله راح يضيع منى ايدك اذا سبتيه مع الاشكال هذي وانتبهي لنفسك وبيتك وزوجك والاترى بتخرب حياتكم والله حسيتها من جد متعذبه ونفسيتها زفت

انا انفجعت وصار شكلي كذا :eek:

اقول معقووووووووووووووله الي قاعد يصير ومعقوله الرجال صاروا سيئين لهذي الدرجه وسبحان الله جيت البيت وحسيت انا متغيره ع زوجي وماودجي اكلمه اواعطيه وجه مع انه ماسوى لي شي بس الي سمعته بجد شي يخووووف

قاعده اقول انا اكيد ماراح تدوم سعاااااااااااادتي وراح يخرب بيتي وراح يتغير زوجي ومنجد خايفه افقده لانه والحمدلله شخص اخلاقه عاليه ووووووو الخ

تعتقدون الدلع والاهتمام يفسد الزو ج لاني اعامله كانه بيبي وادلعه لابعد درجه واخاف يكون هذا الشي مو فصالحي او انه ينقلب ويتغير في يوم من الايام

بنات معقوله الدنيا ماعاد فيها خير لهذي الدرجه؟؟؟؟؟

بنات ريحوني الله يسعدكم ولايحرمني منكم