والله الي فيني مكفيني الي عندها حل تحل مشكلتي

السلام عليكم ورحمة الله وبركاته
ابي وحدة متزوجة رزينه تشوف حل لمشكلتي مع زوجي
انا ماراح اخش بتفاصيل بس بشكل سطحي
اخوي تزوج وحده ومن تزوج وزوجي متغير احس فيه غيره
ويوم تمر من قدامه بشارع يناظر لها لين ماتركب السيارة
انا ماقدر اقوله ليش تناظر لان الاسلوب ذا ماينفع معه
بيقلب علي ويقول خير وش انا مسوي تبيني اكون اعمى ونا ماناظرت انتي نفسيه وهكذا…
المهم رحت لأخوات زوجي وهو كان جالس معنا
قالو ماشاءالله يازوجة اخوك تهبل وجسمها يجنن ووومدح مدح
وهو طارت عيونه
ومن بعدها صار يروح لهم البيت
هي اغلب وقتها عند اهلها وعند اخواتها صار يدق على اخوي ويسأله
وينك ويقوله عند ارحامي وعلى طول يروح لهم ويسهر ويفطر عندهم ولا يجي غير الفجر
انا نفسيتي تعبانه مرا وحامل وضايقه مادري وش اسوي
واذا تكلمت قلب علي قال خير طفشان وابي استانس مع العيال تبيني انحشر بالبيت ماروح ولا اجي

واهل زوجة اخوي تعودو عليه وصارو يفقدونه اليوم الي مايجي فيه يدقون عليه يقولو تعال مسوين لك حلى
ويوم يرجع وريحته بخور يقول مبخرين بيتهم ياحلو ريحته
بنات الله يسعدكم بهلأيام الفضيله وش اسوي والله مقهوره ولا اقدر اتكلم
واذا صار عند اهل زوجة اخوي مناسبه مستحيل يعزموني
يعزمون زوجي فقط
بنات انتم يمكن تحسون السالفه عاديه
لاكن الوقع غير
السرحان الي يجي زوجي
وتفكير 24 ساعه
ويحب يجلس لحاله كثير
صار ينتقد شكلي ويضحك يقول امزح معك
اذا احد دق من جيرانا او اهله او احد اقاربنا يعتذر مايروح
واذا هم دقو يعزمونه يكون مستانس ويجهز نفسه من العصر
انا الي خلاني اكتب لكم لان طفح الكيل
لقيته متضايق مرررا واحسه طفشانه سألته وش فيك قال مافيني شي بس متضايق قلت ايش السبب قال بدون سبب من الله كذا متضايق
اخر شي اكتشفت من اخوي ان اهل زوجته مسافرين عمره
هنا خلاص احس ماقدر اتحمل شي.