والله انها صدمة قوية علي

السلام عليكم..
أني عضوة جديدة أتمنى ماأكون ثقيلة عليكم ..
بس والله أني محتاجة أحد أسولف معاه وأحكيله عن مشكلتي وتقولون لي رأيكم في اللي سويته
انخطبت وعمري18سنة وتزوجت بعدها بسنتين
زوجي في الخطوبة كان يظهر بأحسن ماعنده وبعد الزواج تغيرفي أشيا كثيرة
كان يقولي أنه يحبني ..وبعد الزواج يسمعني الكلام اللي يجرح من جمال هذي الفنانة أورقص هذي المغنية(مع العلم أني حلوة والظاهر أنه ما كان يحبني ألا عشان شكلي وهذاالحب ما يدوم)
ماأبغى أطول عليكم ..صارت هذي الاشياء عادية بالنسبة لي
الحين بعدحوالي سنتين من زواجي ..ترك الصلاة ....معقولة الشخص يتغير لهدرجة؟
وقبل شهرين ..صدفة والله عرفت انه يخوني ..وطول ساعات العمل بالليل يقضيها مسجات ومكالمات ..واللهلو تشوفون المسجات اللي اهي ارسلتها..والصور اللي فيها كلها قلة حياء..والله أني كنت واثقةفيه ثقة عمياء عشان كده ما كان يحرص على جواله لان عارف أني ماأسال عن شي ولا اراقبه في شيء..والله ثم والله أني كنت اشك في نفسي ولا أشك فيه وعشان كده كانت الصدمة قوية
ماتحملت بعد ماتاكدت من الموضوع اخذت بعضي وولدي ورحت على بيت اهلي ..والحين من شهرين مااتصل ولا حاول يعتذر ..بس اللي حصل انه امه لما درت بالموضوع زي ماهو قاله بانه خدعة من زوجة صديقه اتصلت لي ومافي شي موبزين الي قالته فيني وقالت انها سمعتني مرة اكلم شاب ..
اشرايكم في اللي صار..؟