والله انها لقصة حقيقية حدثت لي لمن اراد العبرة والاستفادة

اكتب لكم هذة القصة وهي حقيقيةحدثت لي انا شخصيا من يعرفني بكى ومن لايعرفني حزن لي
قصتي بدت من يوم تقدم لي شاب يخطبني وما كان الاول ولا الاخير كان هذا الشاب (مطلق) ونفس الوقت (يدخن) سببين قوية لرفضة لكني كن مصرة وقلت لاهلي انا مابي الا هذا اعترضوا اهلي علي صغيرهم قبل كبيرهم وقالو مايناسبك
تستغربون ليه انا ابيه ؟ لسبب غير جوهري وغير حقيقي وهو انه ((وسيم))طبعا بعد الزواج اكتشفت انه ماهوب وسيم ولا شي بس لاني شفته من الشباك من فوق ماكان باين مرة
المهم اصريت عليه لين تزوجتة بالرغم انه مافيه توافق اجتماعي ولا مادي وبالرغم انه مطلق ويدخن لكن ((اذا حدث القدر عمي البصر))اول اسبوع كان راااائع وكنت مبسوطة معة وكنت اقول الحمد لله اني تزوجتة ولا سمعت كلام اهلي....شوي شوي بدا التعامل يتغيربديت اشوف اطباع غريبة ماعرفها ولاتعودت عليها من اهله ومنه
اضافة الى تعاملة فكان انسان يضرب الرقم القياسي في (( الوسوسة وسؤء الظن))
كنت استغرب من طريقة تفكيرة ومن ظنونة وقلت في نفسي يمكنه مابعد عرفني الايام تحل سؤء الفهم...لكن للاسف طلعت لي اشياء ثانية وكل يوم ينوع لي فمرة طوالة لسان والفاظ سيئة وجارحة ومرة عصبية زايدة على اشياء تافهة والادهى والامر انه ماكان يشوف خطاه على قولة المثل((الجمل مايشوف عوجة سنامة)) طبعا انا اعترف اني كنت دلوعة وكنت اروح لاهلي كل مازعلني...واستمرينا على هالحال مافية اماااان ولا استقرار نفسي او عاطفي نهائيا
الى ان سمعته بالصدفة يتكلم هو وابن عمة(صديقةالمقرب)عن بنت و موعد و و و
للاسف كان زوجي ينصحة انه ينتبة لنفسة من زوجتة لا تكشفة....
و اشياء واشياء كثيييييرة كتب الله لي الحمل رغم اني كنت حريصة وكان قلبي حاس اني ماراح استمر معة وان اهلي كانو على حق...تدرون كان فرحاااان بهذا الحمل
لكن للاسف كل فترة حملي وو لادتي كانت عند اهلي مايدري عني ولا ادري عنه قاسي القلب جداااا جدااا كيف يتركني بهذة الحالة ولا يسال؟!!
مرت علي ايام صعيبة رحت اولد لكن ماكان هو عندي طبعا لانه مايدري عني
حزنت على نفسي وكنت احزن اكثر يوم كانو الممرضات يسالوني(( ويرز يور هزبن!!)
وش ارد عليهم اقول ؟ولدت وجاني في المستشفى بعد غياب دام 8 شهوربعد ماكلمتة امي عشان تقولة اني ولدت
مانكر كنت سعيييدة لكن كان الالم والعتاب والقهر يخرب كل لحظة لقاء بيننا
بعد ماطلعت من النفاس تفاهم مع اهلي بخصوص انهم يسمحون له انه يرجعني ولاني انا كنت ابي طفلي يتربى بين امه وابوة رجعت .. لكن كالعادة عادة حليمة لعادتها القديمة ورجع الهم والقهر والحقران لي الطبع يغلب التطبع كان يحاول انه يكون شخص عادي لكن انا اجزم انه غيييير طبيعي
كان يوم يحطني فوق هام السحب واليوم الثاني يشبعني اهانة وظلم وتبلي وقهر
انسان متقلب مزاجي موسوس وشكاك استخرت الله كثيييير وكنت ادعي وبعد الاستخارةكان الله مسيرني واكتشفت علاقته ببنت اصغر منه ب17سنه بعدها طلبت الطلاااااق بنفس راضية لاني حسيت ان الله كشفة لي بعد هذي الحياة المريرة بنهايةحقيرة وهي الخيانة بعدها ماسوى عندي ولا قرش وطلعت من عنده وانا راااضية وسعيدة جدااا زانتصحتي وسمنت واحلويت ورجعت لي النكتة والبسمة والاختلاط بالناس حسيت اني توني اعيش صح اني اصبحت (مطلقة)لكني سعيييدة لاني ماتخذت القرار من نفسي لا. لاني كنت استخير الله وادعية وربي من استخارة والله مايندم ويكفية قدام نفسة انه اصبح في نظري تافة مايسوى شي هذا ان كان فية ذرة احساس عرفت ان اهلي معهم حق وان الزواج هذا من اولة خطا
والحمد لله اني خلصت منه ودايم كنت اضحك على نفسي ((كيف كنت احب هذا الحقير!!!))
لكن مانسيته في دعائي صرت اردد ولا زلت وسازال (( اللهم ياواحد ياحد ياحي ياقيوم ارزقة بزوجة ثالثة تفعل به مافعل بي اااامين اللهم اااامين))
هذي قصتي باختصار شديد لان التفاصيل والاحداث كثيرة لكن المهم انني الان اكررررررررررررررررررررررررررررررررررررررررررررررررررررررررررررررررررررررررررررررهة جدا جدا واسف على عمري معة ولكنني كل ماتذكرت ان هذا من عند الله هدات نفسي واطمانيت وقلت((اللهم لك الحمد حتى ترضى ولك الحمد بعد الرضى))وواثقة ان الله سيعوضني خيرا لان من احسن الظن في الله ودعاه ماخيبه ابد ابد
هذة قصتي علها تكون عظة ونصيحتي من هم بامر عليه ان يستخير اولا فما ندم من استخار الخالق...ولا تنسوني من دعائكم