السلام عليكم ورحمة الله وبركاته
شلونكم00خواتي
الناس تفرح برمضان عشان التقرب لله بالعباده وترك المعاصي
ويجتهدون بالدعاء خاصة في العشر الأواخر ويتحرون فيها
ليلة القدر اللي هي خير من ألف شهر ويضاعفون فيها العباده
لينالون الأجر والمثوبه من الله سبحانه وتعالى
و بعد كل هالعبادات والطاعات00
يقرب العيد فيتهافتون الناس على الأسواق ويبحثون عن
احلى المُديلات وكل وحده تبي تكون احلى الموجودات فتجتهد
بالبحث عن ارقى مُديل وافخم قماش واحلى لون
لكن للأسف الشديد فكرت في المُديل واللون ونوعية القماش
بس00مافكرت في الستر
فنتفاجأ في العيد بالملابس العاريه
فنرى اللي لابسه فوق الركبه
واللي مبيّنه نص صدرها وظهرها
واللي لابسه البنطلون اللي مجسّد مفاتنها
ونشوفهم كأنهم في مسابقه من اللي تتعرى اكثر من الثانيه
وللأسف صار العري مفخره والستر تخلّف ورجعيّه
سبحان الله
وماننسى العباءه00 فلها نصيب الأسد من الزينه
فبعد ماتخلص الوحده من شراء الملابس تتجه فوراً الى محل العبايات
فنجدها تسأل البائع
عن آخر مُديل وآخر نقشه وآخر تطريز نزل لعبايات الكتف
اكيد بتسأل عن عباة الكتف
لأن عباة الراس الواسعه الساتره صارت في نظرها دقّه قديمه
فتحتار وش تختار من مُديلات عباة الكتف الجذّابه
سبحان الله00
نست ان هالعباة اللي بتشتريها بتلبسها عشان تسترها عن الرجال
يعني المفروض تكون من رأسها الى اخمص قدميها
وخاليه تماما عن اي نوع من انواع الزينه وتكون ساده وواسعه
لكن للأسف ماتكمل الكشخه في نظرها الا بعباة الكتف الضيّقه
والمخصّره والملفته للنظر00
ومافكرت ان هالعباءة بتحمل وزرها ووزر كل من افتتن بها من الرجال
ووزر كل وحده أُعجِبت بها وقلدتها
آاااااه يارمضان ودعناك وودعنا معك الحشمه
طيب وين العباده والتقرب لله بالصيام والقيام خلال شهر رمضان
وكأن العباده مقترنه برمضان
واذا انتهى رمضان خلاص انتهى معه موسم العباده
يااخواتي ترى اللي خلق رمضان سبحانه هو اللي خلق باقي ايام السنه
وامرنا بطاعته طول ايام السنه
يعني ماخصص رمضان لفعل الطاعات واجتناب المعاصي
وباقي الشهور رخّص لنا فيها فعل المعاصي والمنكرات
يعني بعد رمضان عادي اسرحي وامرحي فأنتِ غير محاسبه
والله اللي تفكر هالتفكير مااقول الا الله يعينها على نفسها
الفرق بين رمضان وباقي ايام السنه انه ميّزه الله بكثرة العباده
من صيام وقيام وخصصه بليله خير من ألف شهر
لكن الواجب علينا طاعته في جميع ايام السنه
مب نتقرب له بالعباده في رمضان واذا انتهى رمضان وكأنك يازيد ماغزيت
راجعوا انفسكم يا اخواتي
والله الدنيا فانيه وماتستاهل كل هالمظاهر
الوحده ممكن تتوفى في اي لحظه وماحد ظامن عمره دقيقه وحده
يعني يمكن يكون هذا آخر رمضان نحضره
وبعده نعيّد بملابس غير ساتره ونختم حياتنا على معصيه
فإذا كان العمر قصير واحنا محاسبين على كل شي
{فَمَنْ يَعْمَلْ مِثْقَالَ ذَرَّةٍ خَيْرًا يَرَهُ (7) وَمَنْ يَعْمَلْ مِثْقَالَ ذَرَّةٍ شَرًّا يَرَهُ}
اجل ليه نعصي ربنا ونجمع الآثام والأوزار على اشياء ماتستاهل
والله صارت الوحده تكره الجمعات والأعراس بسبب هالملابس الفاضحه
للأسف صارت الأعياد والأعراس مجرد عرض للأجساد
الوحده ودّها تصل رحمها بس هالمناظر اللي تجيب الغثيان تمنعها
يااخواتي حاسبوا انفسكم قبل ان تحاسبوا وزنوا اعمالكم قبل ان توزن
فالعمر لحظه مايستاهل نضيّعه في اشياء تغضب خالقنا
والله في مُديلات غايه في الروعه وساتره وشحلاتها
وحتى اللي تلبسها تحسين فعلا انها محُترمه
بس ماادري ليه بعض البنات مايعجبهم الا العاري
خواتي نصيحه من اخت لكم في الله
من ترك شيءً لله عوضه الله خيراً منه
الدنيا ممر والآخره مقر00فاتركوا الممر واعملوا للمقر
هداني الله واياكم الى مايحبه الله ويرضاه
اللهم اجعلنا ممن يستمعون القول فيتبعون احسنه
وصلى الله على نبينا محمد
ام سوجي @am_sogy
عضوة
يلزم عليك تسجيل الدخول أولًا لكتابة تعليق.
كشة نمله
•
الله يسعدك بالدنيا والاخره يالغلا موضوع جاء بوقته من جد العري صار موضه الله يستر علينا فوق الارض وتحت الارض ويوم العرض امين
كشة نمله :
الله يسعدك بالدنيا والاخره يالغلا موضوع جاء بوقته من جد العري صار موضه الله يستر علينا فوق الارض وتحت الارض ويوم العرض امينالله يسعدك بالدنيا والاخره يالغلا موضوع جاء بوقته من جد العري صار موضه الله يستر علينا فوق الارض...
لا إله الا الله الحليم الكريم .. لا اله الا الله العلي العظيم ..
لا إله الا الله رب السماوات السبع و رب العرش العظيم ..
لا إله إلا الله وحده لا شريك له ..
له الملك .. و له الحمد و هو على كل شيء قدير ..
الحمد لله الذي لا إله إلا هو .. و هو للحمد أهل .. و هو على كل شيء قدير ..
و سبحان الله .. و لا إله إلا الله .. و الله أكبر .. و لا حول و لا قوة إلا بالله ..
لا إله الا الله رب السماوات السبع و رب العرش العظيم ..
لا إله إلا الله وحده لا شريك له ..
له الملك .. و له الحمد و هو على كل شيء قدير ..
الحمد لله الذي لا إله إلا هو .. و هو للحمد أهل .. و هو على كل شيء قدير ..
و سبحان الله .. و لا إله إلا الله .. و الله أكبر .. و لا حول و لا قوة إلا بالله ..
الصفحة الأخيرة