والله اني اجهز اغراضي .. تعالوا انصحوني

السلام عليكم ورحمة الله وبركاته

والله ان الموضوع صحيح قاعده اجهز اغراضي ودي اروح بيت اهلي :angry:

والله اني تعبت مع هالزوج المراهق تعبت تعبت تعبت

ماني متكلمه عن السنوات اللي فاتت وكم مره صدته بالجرم المشهود ويعتذر هذا الشيطان .. الخ الخ

بتكلم عن شي شفته الحين

موقع (( حسبي الله على كل القائمين عليه بلا استثناء يارب يشل ايديهم ويخليهم عبره لمن لا يعتبر ))

فيه تعارف بين البنات والشباب والبنات الـ... حاطين صورهم بكل وقاحه .. مو صور من النت لا لا صورهن لأن فيه كذا صوره لنفس البنت في البروفايل حقها

المهم بالعربي الفصيح يعرضن .. ووحده من وقاحتها حاطه او عارضه قميص نوم تقول ان فلان (( واحد من الاعضاء )) اشتراه لها ؟؟؟؟؟

بتقولون كيف عرفتي هالوقع اقول لكم المراهق اللي عندي مسجل فيه .. ومن القهر كاتب (( يبحث عن علاقه عاطفيه )) .. لا وبعد كاتب .. يتطلع الى (( الموآآآآآآآآآآآآآآآآآآآآآآآآآآآآآآآآآآآعــده ))

طبعا لازم يكتبون وش حالتهم العاطفيه الخ الخ

زوجي الغالي .. زوجي العزيز .. زوجي اللي عطيته اللي وراي واللي دوني .. زوجي اللي زدت فوق وزني 35 كيلو من العلاجات طول 4 سنوات عشان اجيب له ضنا يفرحه ..يبي علاقه عاطفيه ويبي يواعد

امانه وش اسوي به ؟؟

لا لحظه مو هذي المشكله .. المشكله فاتح صفحات للأنـدر ويــر للعارضات لماركه مشهوره يتفرج فيها .. يوم الجمعه !!

شسوي فيه ذا

بنات والله والله مليت انا ما ابي شي ابي بس انا وولدي نعيش مرتاحين وخليه يتزوج وحده من الساقطات اللي يعرضون في هالموقع عشان يعرف قيمة بنت الحلال

لا تقولون البسي ومدري وشو لا لا المسأله مو مسألة لبس وغيره مهما لبست عينه برى

انا احس بيجيني القولون منه .. شوركم علي وشو .. قولوا لي :44: