والله اني احترت مع بنتي جننتني خلاص مب قادرة اتحملها :(

الله يعينك أم شيمااااااااااااااااااااء

لكن صراحة ماأؤيدك في الضرب مهما كانت أعصابك مرتفعة

حاولي تهدأين أعصابك وروحي لها بالطيب اشتري لها ألعاب تناسبها

وإبدأي قوليلها إذا ماصرتي تصيحين بأجيب لك هدايا كثيرررر

وجيبي لها الحلويات اللي تبيها تقربي منها أكثر حاولي تحضنينها

وتبوسينهاااا وأعطيها من حنانك وأكيد إنها حاسة إنك مقصرة معها

بالعاطفة تعرفين الأطفال يحتاجووون حنان وعطف أكثر

وبالنسبة للصلاة حاولي تفهمينها إن الصلاة صلة بينك وبين الله

ومايصير نقطعها أو قوليلها لا تشغلك وقت الصلاة وكافئيها على

الأشياء اللي تسمع الكلام فيها بس لا تضربينها أو تخاصمينها

أو حتى تبينين إنك متضايقة منها لو رفعت صوتها أو صاحت وجيبيها

بالهدووووء وإن شاء الله ربي يسخرها لك ويساعدك ويعينك

وتصير بارة فيك ...

وأكيد حبيباتي العضوووات ماراح يقصرون بالرد والحلول

تحياتي لك

فاقد الشئ لايعطيه

وانا افقد فن التعامل مع اولادي فكيف انصحك

لكن لعل كلمه تخرج من هنا قد تفيدك

العصبيه لاتأتي الا بنتائج سلبيه

حاولي تتجاهلين صياحهها المستمر يعني أذا الامر ما يستاهل تنفيذك لطلبها اتركيها تصرخ الى أن تمل

اياك أن تراضينها بعد ما تزعلين منها على طول ..

دعواتك بالليل والنهار أن الله يصلحها ويهديها لك يارب

وييسر لك أمورك ويعطيك العافيه مع حملك

وأن شاء الله تشوفينها بكره ألطف وبنت باره يارب

السلام عليكم

أختي اللؤلــــــــــؤة مشكورة على ردك واهتمامك :)

بصراحة كلامك معقول بس كيف افهمها كل هذا الكلام هي توها مكملة سنتين ومهما انا اقول لها واعور راسي ما في اي فائدة.

صدقيني عندها من الالعاب اشكال وانواع وانا مب مقصرة معها احضنها واقولها كل يوم حبيبتي وانا احبك وايد وابوسها واخذها في حضني

والعب معها وايد واذا اختفيت اشوي عنها يمكن بس دقايق تصيح ادورني ما اعرف شو اسوي
خبريني كيف اتعامل معها او افهمها

احيانا الصداع يتم عندي من صياحها :06: تعبت وكل ما اضربها في نفس اليوم اصيح احس بالضيق واقول هل كل الاطفال كذا :06:

السلام عليكم

مشكورة أختي lawsi على ردك والنصيحة :)



الحمدالله دائما اقرا عليها وادعي لها بالهداية بس احيانا احس بضيج خاف انها اتم بهذا الشكل لين ما تكبر وهي هالكثر تعبتني الله يصبرني ويعيني ويعين الجميع



والله ييسر امورك بعد وان شاء الله تكون باره آمين



المشكلة اني انا اللي امل من صياحها والله وما اقدر استحمل وغير هذا احيانا تصيح لدرجة انها ترجع :06: :06: تعبت معها

بس الحمدالله على كل شي بس محتاجة الى نصائحكم خواتي

بغيت اسالكم هل بكائها المستمر وعصبيتها شي طبيعي والا ممكن يكون عين وصابتها

احيانا اقول يمكن انا دلعتها وايد ما اعرف بس انضربت كثير

كيف اتعامل معها ساعدوني قبل لا اجيب الثاني :( وبعدها ما اقدر عليهم