والله اني بصير مريضه وكله من هالتافه--تكفون ساعدوني

السلام عليكم بكتب لكم اليوم قصتي من الى
لا تقولون سخيفه وما عندها سالفه ترى ازعل
اولا الي مسبب لي كل هالقلق مخلوق تافه ولا شي في نظر الناس بس مرعب وكابوس بالنسبه لي ايه والله وماكذب عليكم احيانا اقول ليه ربي خالقه ثم استغفر الله لا يعاقبني والله اني اخاف منه موت

























الصرصور والتصغير مايليقله فاسمه الي لايق عليه صارور وع وانا اكتب اسمه احس جسمي يدابى
المهم لا تستخفون مني والله انه مسبب لي ازمه انا كنت اخاف منه بس عادي زي باقي البنات الين تزوجت ومره ابجيب للمملوح(زوجي)كا مويه الا احس بشي يمشي على يدي بس ماشفت شي قلت اوسوس
طلعت لغرفتي فوق لاني كنت ساكنه عند اهل زوجي المهم عطيته مويه ورحت لدورة المياهواحس ااااااااااااه ش يحرك شعري الا اهز راسي بقوه ويطيح المرعبالمههم طلعت اصارخ قبل لا اطلع صقعت بالباب لانه كان مسكر بس الرعب طلعت وقعت اصارخ وافصخ ملابسي وطلع زوجي قال وش جاها ( تونا معاريس )وين الي تستحي والله فسخت مرة المهم الله يخلف علي
المهم بعدها وانا احس نفسي مو طبيعيه وصار على هالسالفه اكثر من 10 سنين وانا على حالي
اتخيله في كل محل
دايما اسوي حركات مو بيعيه مثل اقعد ارجف برجولي لاني احسه راقي علي او انفض هدومي واذا على انفض اهون اول كنت لازم افسخ الين اتاكد
اذا جلسنا بمجلس وحسيت ان كان بيت الي انا عندهم مونظيف مره يعني ممكن يكون بيئه كويسه له ربي ياخذه مااقدر اجلس على الارض اسير جاله على اي شي عالي وما فيه فرش
قولو الحمد لله
مره كنا رايحين لعر وانا داخلن شفته قاعد في الاستقبال قد شفتو صارور في زواج بس الحظ حتى في الزواج لاحقني المهم بعد ماجلست كل الوقت وانا خايفه يوم جا الفرج وطلعنا وركبنا الجمس وانا 100 نفر الله لايعيد ذيك الطلعه حسيت بشي بجسمي وجتني الحاله ----طبعا كل الي معي بالسيارة عارفيني جلست اقول لخالي وقف فيني صارور وهو يضحك وفتحت باب السيارة وهي تمشي ووقف وقسخت العبايه وقعت انفض شعري وملابسي
خالي قال مايبيلها البنت انجنت ونزل اهلي ودق على زوجي وقال تعال ودها لشيخ يقرا عليها شكلها الله يستر
زوجي خذني ورحنا البيت وانا ميته من الفشيله (شكلي غبي)
تصدقون رحت لشيخ وضحك علي قال الحشرات ماتتجنس بس انتي الله يهديك كثري من ذكر الله واذا حسيتي بان فيك شي قولي لنفسك كذب كم مره صارت معي ولا طلع شي فعلا خففت هذالاسلوب كثير بس مازالت المعناه مستمره وبعد 12 عاما تصدقون اذا سمعت طاره او شفته احلم به على طول يعني حتى بالحلم ماعتقني
لا ومن زين الطبايع صرت اعرف ريحته واشمه ويصير دائما حدسي صح
تصدقون ان بعض الاشياء تذكرني فيه واتقزز منها مثال (الكنادر البنيه الرجاليه-الياره الكدلك القديمه-بعض الفلف الحر تكرم النعمه)بعض الاحيان اذا جيت انوم اتخيله يمشي تحت السرير او طالع على الجدار طبعا ماتخيله يمشي على وجهي اخاف تجيني جلطه
بنات انا ماكبر الموضوع او اني فاضيه والله عندي بيت واولاد الله يحفظهم وزوج دايم يتريق علي وحاط يدة على قلبه لاتجيني الحالة وانا طالعين ويتفشل
وعندي مشاكل وكلش بس مادري احس هاذي السلف مع انها تافهه بس منغصه علي
ودي اعرف فيه احد مثلي ااخاف فيني حاله نفسيه ولازم اتعالج واستحي اروح للمستشفى اقول اخاف من اللزهيوي
تكفون طمنوني ولا تضحكون لاني والله استحي من هالمشكلة وخاصه على قولت ابوي (كبر الحمار وتخافين من الصارور) وش النصيحه اللي عندكم لا تبخلون علي وانا اثق انكم بتتفهمون مو مثل الي عندي اهلي وزوجي وعيالي والله مطيح هيبتي حسبي الله عليه