والله اني تعبت من المشاكل ابي حل

السلا عليكم
كيفكم بنات
بدخل بموضوعي السالفه بدت من الأربعاء كنّا جالسين نتابع برنامج وقرب مني قلت له دقيقه انت بعد العشاء ماغسلت ولافرشت وتوك مدخن طبعا ماقال شي وجلسنا نكمل البرنامج وشوي قام قال بروح انام قلت طيب يوم قام الصبح وهو رايح الدوام جلس يقول البارح قبل لاانام رحت فرشت ماجيتيني قلت والله اني نسيت وراح عن بالي المهم طلع ورجع الظهر عادي مافيه شي كانوا اهله عندهم عزومه وبيجونهم ناس لبست ونزلت كلمني قالي ابي عشاء قلت له طيب تعال عند الباب وبعطيك اياه لان الناس باقيه لي راحو بجي سكت وبعدين كلمني مره ثانيه ابي عشاي انا جالس على غداي الا الان قلت طيب تعال خذه ردي علي انا اجي اخذه ليه انتي تجيبينه طنشت وعقب مامشوا العالم استأذنت ومشيت صعدت شقتي جلس يصارخ انا اكلمك تطنشيني ومن هالكلام قلت له لاتصارخ اذا بتصارخ بمشي جلس يصارخ ومشيت سحبني من عباتي وجلس انا لما اكلمك ماتمشين وتعطيني ظهرج قلت له وانا قلت لك لاتصارخ دفني بعدها ومشيت عنه وجلس يتحلطهم ويتلفظ قلت له اذا تبيني احترمك احترمني بعدها جاء وبكره اللي هو اليوم ماراح اوديك المستشفى طبعا انا عندي ولدي منوم بالمستشفى وأروح له كل يوم يقولي بحرق قلبك ماراح اوديك وطنشت انا رحت سبحت ودخلت غرفتي نمت وهو نام بالصاله صحيت الظهر وتسبحت وبدلت وقلت يابنت اقصري الشر وخليت هالمشكله على جنب وتذكرت الأشياء الحلوه اللي شفتها منه واللي سواها علشاني عقب ماجاء من برا رحت له بضمه قالي وخري عن وجهي وقفت شوي رجع عادها مره ثانيه وخري عن وجهي على ذا كله خليت كل شي على جنب وجئتك وتقلعني حسيتها واجد والله وخرت ورحت جلست مكاني وهو طالع جلس يهدد ومدري ايش طبعا انا مارديت
وفِي شي نسيته امس يوم كنّا نتهاوش فتح سالفة يوم بيقرب مني وأقوله مافرشت قال انتي ملعونة ماتعطين زوجك حقه الشرعي وتسوين روحك تصلين وتقرين قران وانتي ملعونة ربي مايقبله منك قلت الشي ذا بيني وبين ربي وانا الحمدالله والشكر لك يارب مصلي فروضي الخمس واصلي ألقيام كل يوم المشكله يتكلم عن الصلاه وهو الصلاه عنده ع المزاج اوقات يشوفني أقوم أصلي مايقوم وقبلها كن بنطلع وآذان المغرب قالي لبسي عبأتك يله قلت له إذن بنصلي ونمشي قمت صليت ولبست وهو جالس ولاركعها وانا تعبت من كثر مااقول قوم صَل وهو يرد علي بطيب اوقات يقوم وأوقات لا المهم
وش تنصحوني فيه لاني تعبت وكذا مره اقوله اي مشكله تصير بينا لاتدخل سالفة روحتي لضناي المستشفى او روحتي لاهلي بس مافي فايده مريض
وسامحوني ع الاطاله وأي وحده ترد علي ربي ينولها اللي في بالها يارب