والله اني حاسة حالي راح أنفجر من القهر

سلام بنات كيف حالكم ألصراحة أنا اتعودت عليكم وصرت أحب أخد أرائكم بأموري أو بالاحرى مشاكلي
بنات امبارح صارت مشكلة بيني وبين زوجي على سبب تافه واذا حكتلكم يمكن اتصيروا تضحكوا المهم المشكلة كبرت وزوجي حكالي انه لازم أفكر بحل لحياتنا يا كل واحد يروح من طريق والحل برأيه اني لازم دائما أحكي ااااااااااااااااااااه وممنوع أحكي لااااااااااااااااااااااااا
وأنا شخصيتي من النوع الحساس و بحب اني أحكي رأيي وهو بنظره اني لازم أخاف منه ولما أنا حكتلوا اني ما بدي أعيش مع انسان أخاف منه أنا بدي نكون متفاهمين مع بعض وكمان يا خواتي في فرق بين الخوف والاحترام وهو بنظره لما أنا ما أخاف منه يعني ما بحترمه
وأنا وربي يشهد على كلامي اني حاولت كتيييييييييييييييييييييييير أغير من طباعي حتى توافق طباعه بس للأسف بطلع بالنهاية مقصرة
أنا بصراحة فكرت بالانفصال لاني عن جد تعبت بس لما أفكر بوضعي بعد الانفصال بتراجع انتوا عارفين نظرة المجتمع للمطلقة وعدا عن ذلك أنا امي وابوي كبار بالعمر ومو حمل مصايب
وللعلم زوجي انسان كتير منيح ولما نكون رايقين بكون زي العسل بس المشكلة لما يعصب ما بيشوف قدامه
وأنا حكيت يا بنت أصبري وأعملي زي ما بده عشان اتعيشي وأنا حابة أخد رأيكم اذا أنا على حق باتخاد هذا القرار والا لأ
الله يخليكم لا تبخلوا علي بردودكم