السلام عليكم ورحمة الله وبركاته
اخ يابنات والله اني مصدومة ومحطمة بالقوة
انا يابنات مشتركة في موقع الفيس بوك عندي صديقاتي فيه واخواتي وبنات العيلة ونتكلم فيه و صور واشياء كده والعاب المهم واحدة من صديقاتي من ايام الثانوي موجودة فيه وانا من يومي معروفة من ايام المدرسة احب امزح واضحك يعني خفيفة دم ما امدح نفسي بس الكل يقول يجيني كلام المهم فكنت اكتبلها تعليقات عادية بمزح فيوم لاحظت انها غير موجودة في قائمة الاصدقاء ولما اتصلت كلمتها قالتلي ماني فاضية للاشياء دي لغيته قلتلها طيب وانا يابنات كانت علاقتي فيها عادية حتى خف المزح لانه كبرنا واتزوجت وجبت اولاد يعني نضجت بس الحمدلله انا مااتغيرت مع صديقاتي برضي اسال عنهم حتى ولو اني اتزوجت انا مااحب القطيعة ابدا
ومن فترة اضفت واحدة وطلعت عندها صديقتي دي فقلت خليني اضيفها تاني فاتجاهلتني وماقبلت الاضافة خلتها معلقة
المهم يابنات من كم يوم واحدة من البنات المضافين عندي حطت صورة والبنات الباقين كتبو تعليقات ومنهم صحبتي دي فارسلتلها رسالة على الفيس حقها باسلوب مزح ياخسيسة فينك اتجاهلتي اضافتي وحطيت صورة وجه مبتسم -احنا الكلمة بيننا عادي وماتزعل
المهم تاني يوم اللي هو اليوم ارسلتلي رسالة رد والله انه جارح
خيييير ياروروايش الاسلوب دا محد اتجرأ قبل كدا وقالي كلمة خسيسة عشان انت تيجي وتقوليلي هيا ترى مررررررررة عييييييب وعلى الفكرة المرة الي فاتت عملتلك ريمووووف واحلى بلوك فوقها , ونفس الشي المرة دي عشان تعرفي تتخاطبي عدل مع الناس
رحم الله امرئ عرف قدر نفسه
ترى ما بامزح معا
انا رحت رديت عليها برسالتين
1
للأسف طلع قلبك أسود و باين لانك اتحسستي _واسلوبي من يومي مزح وانتي عارفه_وخير ليش الزعل لانه الي بينا اكبر من كلمه_وانتي بتتلككي عشان تنهي الصداقه واذا دي نيتك الله يعوضني عنكم بصديقات احسن وقلبهم مفتوح ليا مو مغصوبين _ وصراحه اسلوبك دا ندمني اني عرفتك في يوم_مع السلامه
2-
نسيت اقلك أحسنو النيه و الحمدلله انه نيتي اصفى من نيتك_ والاخلاق مو بالاسلوب الاخلاق بصفاء النيه _ياما ناس كلامهم ينقط عسل بس للاسف قلبهم اسود و هاذول مايلزموني_نفاق انا ماأنافق مجامله انا ماأجامل بس يمكن انتي اتعودتي على كده_
ثاني شي سيبيكي من شوفة النفس من تواضع لله رفعه
المهم بعدها ارسلتلي رسالة مكتوب فيها
اذا نطق السفيه فلا تجبه فخير من إجابته السكـــوت
رحت انا كتبتلها
اذا نطق الحقود فكذبوه
والله يابنات في رمضان شفتها في السوق اخر مرة وصرنا نتكلم على الملابس وملابس الحجاب وبعدها بكم يوم كلمتها اسالها اذا لقت عشان بادور
وقبلها عزمتها على فرح اختي بس اعتذرت عشان مناسبة عندها في العايلة
وجاتني لما ولدت
بس يابنات لو صحيح زعلت من الكلمة مايصير الكلام اللي كتبته اذا نطق السفيه فلا تجبه فخير من اجابته السكوت
وانا الصراحة حسيت انه في احد اتكلم عليا عندها وخلاها تقلب عليا والله اعلم وانا عارفه مين الشخص دا ومااقول غير حسبي الله عليه لو كان صحيح
بس انا من زعلي منها مسحت رقمها من عندي ورقم البنت اللي شاكه انها حرضتها عليا لانه البنت كانت مسافرة بعثة وجات قريب يعني ماصار الشئ دا الا من بعد ماجات
فإيش رايكم باللي صار ياريت وعادي انا اتقبل كلامكم
charming_roro @charming_roro
كبيرة محررات
يلزم عليك تسجيل الدخول أولًا لكتابة تعليق.
ashouaaq99
•
الله يعوضك بصديقه احسن منها
&&$$4 :
لا يمكنك مشاهدة هذا التعليق لانتهاكه شروط الاستخدام.
لا الفيس تضيفي بس اصدقائك بس اللي تعرفيهم مو اختلاط فيه ملف خاص لكي ممكن تخليه خصوصي وممكن تخليه عام يعني حسب ماتبغي
وانا اصلا لاحظت انه هي تبغى تنهي الصداقة لانه الكل يعرفني اني احب المزح والفرفشة
وانا اصلا لاحظت انه هي تبغى تنهي الصداقة لانه الكل يعرفني اني احب المزح والفرفشة
الصفحة الأخيرة