والله اني مهمومه الله يفرجلكم همومكم اذا بتساعدوني حتى لو بدعاء

السلام عليكم ورحمة الله وبركاته
والله عارفه انكم صرتوا عارفيني من كثرة اسألتي ومخاوفي على بنتي
بس والله مالي غيركم تساعدوني وتشيروا عليا والدكتوره فادتني كثييير الله يسعدكم و يبعد عنكم الهموم
اختصار الكلام ان بنتي الله يخليها ويشفيها عمرها سنه ونص وللآن ماتاكل جوامد أبدا ولا حتى شبه ساائل لازم مهروووووووووووووووووووووووووس
واذا كان جامد تستقرف وتغص وتستفرغ مو عارفه ليش ولا اعرف كيف اعودها أو اتركها وهي تتعود بعدين؟؟ والله اني محتاره ايش اسوي معاها علما بان حنكها كان مفتوح وخيطناه لها وعمرها 10 شهور
وكمان في مشكله اني مااعطيها اكل بيدها يعني ماتاكل من نفسها زي بسكوت او اي شي لاني اخااااااااااااف احس انها حتغص انا اكلها بنفسي(افتته بيدي واعطيها شوووويه شويه) واليوم اخذت من يدي البسكوت وتبغى تاكلها بنفسها وبكككككككككككككيت لما اخذته منها لان خووفي شديد واحس انها ماتعتمدت على نفسها وحتغص فيه وتشرق ولا جتني الشجاعه أجرب لان اذا شرقت ماراح اعرف اتصرف!!
وكمان عندي استفسار(الله يعينكم)وهو اني ابغى كتاب او موقع عالنت عن كيفية التعامل مع الطفل الكفيف يعني كيف اعلمها تاكل او تمشي لانها للآن ماتمشي او تشرب بالكاس او تمص بالشفاط (يعني الكاس هذاك حق الاطفال)أو أو أو .. اشياء كثيره دورت عالنت مالقيت انا ماابغى التعامل مع الاطفال الكبار اللي يفهموا لا انا ابغى الصغاااار مره تحت 3 سنين وكل المواقع لقيتها تتكلم عن الاطفال في سن الدراسه واللي تعرف كتاب تعطيني الاسم
وآخر شي اللي ماعندها أي شي عالأقل تدعي لبنتي الله يشفيها والله انها بنتي الوحيده وانا صغيره وما اعرف اتعامل اساسا مع الاطفال كيف بنتي اللي حاله خاصه
الله يسعدكم لاتنسوا الدعاء مو المهم الرد المهم دعوه في السجود آخر الليل اتمنى يجي اليوم اللي تشوفني فيه وتشوف طريقها ولماتحبي ماتصقع راسها في كل مكان تشوف العابها اللي تلعب فيها :( :( :( << ولما أخرج مكان ماألاقي عيون الناس كلها عندها كأنها كائن فضائي>>
وادعولي ربي يصبرني ويقويني ويجيرني في مصيبتي:(
وشاااااكره لكم مقدما وللمنتدى الغاااالي