والله ان البنيه مسكينه!!!!!!!!!

سلام للاخوات الحبيبات ,,كيف الحال والاحوال؟؟ ان شاءالله بخير..هذه اول مشاركه لي في هذا القسم واتمنى ان تشاركونني:)
بصراحه انا عندي ملاحظه على عامة الناس وبجميع الجنسيات بلا استثناء، ونقدر نسميها ظاهره لكنها ظاهره سيئه جدا طبعا هي موجوده من قديم الزمان منذ عصر الجاهليه وماادري وش السبب!!!! لكن انا بتكلم عنها في وقتنا الحالي.......تفضيل الولد على البنت،،
مره من المرات كنا موقفين عند بقاله ونزل زوجي بيشتري بعض الحاجات وقفت سياره بجنبنا ونزل منها الابو وووو الولد طبعا . البنات الي في السياره نزلو مباشرتنا اعمارهم تقريبا منسنوات تدرون وش صار التفت عليهم الولد مو الابو لا الولد وجلس يصارخ عليهم ويقولهم ارجعو انتم لا بس انا طبعا رفضو الا والابو يجي ماغط ويشيلهم بالقوه ويركبهم ويهددهم ونلوم البنت اذا كرهت اخوها.....
وحده عندها ولد وبنت طبعا البنت اصغر لما وصل الولد سن ثالث ثانوي دخلوه اهلها مدرسه اهليه ودخل الجامعه في قسم صعب وتعالي شوفي مدرسي الخصوصي هذا داخل وهذا طالع وبعث للخارج لدراسة اللغه غير الفلوس الي تجري في يدينه بكل سهوله والسياره الاخر موديل والجوالات الفخمه من المتوسطه يعني عمره 13سنه ..طبعا لما جاء دور البنت تدرس في مدرسه حكومييه وماشرو لها جوال الا لما دخلت الجامعه حتى امها تقول لا ماراح ندخلها اهليه البنت مو ضروري!!!!!
بالاضافه الى استنجاد الام بالولد قي ضرب البنت وهذي العاده حدث ولا حرج لايكاد بيت يخلو منها...
والابو الله معطيه تلاقينه يبني بيتوت للاولاد ويسكنهم ببلاش او حتى على حسابه والسيارات اشكال والوان والبنت ياخلاف اذا طق عود بعصا قالو الولد اهم هو الي بيفتح بيت وهو الي مسئول عن عائله طيب مافكرتو في البنت انها محتاجه يؤمن مستقبلها زيها زي الولد لانها اولا مو على كل حال تتزوج!!!واذا تزوجت ممكن لاقدرالله تطلق او تترمل ..وبغض النظر عن هذه وتلك اين العدل ياناس.لا واذا تزوجو تلاقين مرت الولد هي الي لها الحشيمه ولعيال الولد والبنت وزوجها وعيالها لهم الحقران وزعل مرت الولد ورضاها مهم ليش؟؟ لان الولد اغلى...علشان كذا يااخوات تنبهو لهذه النقطه المهمه لانه انت بحكمتك وتصرفك الحسن تربطين بين اولادك وتحببينهم في بعض..والله المستعان؟؟؟؟؟
انا دائما يضايقني هذا الموضوع والا ؟؟وانتم؟؟وش رايكم؟؟