والله ان العمليه القيصريه مهيب شينه

بسم الله الرحمن الرحيم
انا عندي طفلين كلهم جبتهم قيصريه بسبب ضيق الحوض عندي ........ اول ولاده يوم قالو لي انهم بيولدوني قيصريه بغيت انهار ورحمت نفسي وبعد ماصحيت كنت خايفه ومتخيله انهم فاتحين بطني من اليمين لليسار وحالتي حاله المهم ركيت على نفسي وانا بالمستشفى امشي يوميا ربع ساعه بالنهار... وربع ساعه بالليل طلعت ولله الحمد من المستشفى وانا مافيني الا العافيه اسبوعين بس وخلاص صرت اروح مع رجلي مطاعم واقضي اغراض نفاس من السوق واموري تمام التمام
ثاني ولاده فكرت اني اطلب عمليه قبل مادري اني اعاني من ضيق الحوض وقلت خلاص مدام انهم شقوني من فوق مالي خلق بعد يشقوني من تحت المهم الناس نصحوني وقالو يامهبوله تحسبين العمليه هينه قلت انا ماتعبت بولادتي الاولى قالو علشانها اول عمليه لكن العمليات اللي بعدها متعبه واجي واهون وقلت الخيره فيما اختاره الله ويقررون لي عمليه واطير من الفرحه مالي خلق مخايط ومدري وشو بعد الولاده كنت خايفه ان كلام الناس يصير صدق لكن وربي نفس الولاده الاولى لا زياده ولا نقصان بس انا جسديا كنت تعبانه لاني طول حملي مااكل فتامينات ولا حديد ولا كالسيوم وبالتاسع اخذت ابر حديد وبس انهد حيلي لكن والله ماشفت هاللي يتكلمون عنه الناس والتهويل على العمليه صرت احس ان الحريم يطفون عيون ويخافون احد ينضلهم على الصحه يارب لك الحمد انا اصدق الحريم الاولات لان الولاده قديما كانت متعبه وخصوصا اللي يسوون لهم تدبيس لكن اللي كبس وخياطه تجميليه واللي بالليزر هاذي مره حلوه ويصير الشق مره صغنون عشره سانتي بس واخر البطن واللي تشرب مره يوميا ماتستشم اذا انتو خايفين من الشمم واهم شي اني ابقى زي ماانا (بنت بنوت):booo: