والله ان قصتي صحيحه انا والقطه ادخلوا لو سمحتوا

السلام عليكم ورحمة الله وبركاته
كنت جالسه في الحوش اناوزوجي واخوي وقاعدين نسولف اناعادة سلمكم الله احط مويه في حافضه صغيره
واذا بقي بقايا من الاكل المهم للقطط
شفت البسه تجي تبي تشرب وتطالع فيه وتروح وانا ملاحظتها وانا اقول بسم الله ويش فيها تطالع فيه وقسما بالله سوتها يمكن ثلاث مرات تطالع وتروح
قلت ليش مااعبي لها الحافضه مويه يوم جيت وهيه مافيها الاقليل فعبيتها كلها ورجعت جلست اسولف واطالع الا يوم البسه جت وشربت الين ارتوت وقسما بالله والمصيبه تروح وترجع تشرب صراحه حسيت براحه اني سويت حسنه فيها والله لايحرمنا الاجر
حبايبي اللي تقدر تسقي الحيوانات وتاكلها لاتتورع لان النبي صلى الله عليه وسلم قال (وفي كل ذات كبد رطبه صدقه )
وايضا قصة البغي اللي من بني اسرائيل سقت كلب فغفر الله لها
عَنْ أَبِى هُرَيْرَةَ قَالَ قَالَ رَسُولُ اللَّهِ -صلى الله عليه وسلم- « بَيْنَمَا كَلْبٌ يُطِيفُ بِرَكِيَّةٍ قَدْ كَادَ يَقْتُلُهُ الْعَطَشُ إِذْ رَأَتْهُ بَغِىٌّ مِنْ بَغَايَا بَنِى إِسْرَائِيلَ فَنَزَعَتْ مُوقَهَا فَاسْتَقَتْ لَهُ بِهِ فَسَقَتْهُ إِيَّاهُ فَغُفِرَ لَهَا بِهِ ».
وفقنا الله لما يحبه ويرضاه