والله ببكي وانا اكتب الموضوع هل من مساعده لتفريج همي في شعري

:44:
انا عضوه جديده في المنتدى ..وصراحه بفتتح الكمبيوتر عشان اكتب الموضوع وكنت ابكي بسبب شعري..ولاقيت صفحه التعازي للمشرفه ام فيصل الله يرحمها زعلت جدا والله بالرغم من اني لا اعرفها وشدني قراءه قصتها في منتدى السرطان..والله اني حزنت جدا وحسيت بتفاهه الدنيا وانها دار ابتلاء ..فكم صبرت ام فيصل على المرض طوال 7 سنين..الله يجعله في ميزان حسناتها ..ويرحمها وينور قبرها
فلما قرات خف الحزن بسبب شعري..بس قلت لامانع اني افضفض معاكم لعل وعسى الله يهدي لي احد يعر حل لشعري

بنات ان شعري من بعد ولادتي الاخيره صار يتساقط جدا..حتى انه في حملي هذا الاخير كان شعري حلو وطال لنص ظهري..بالرغم انه هو طبيعته مو كثيفه هو خفيف..وبعد الولاده صار يتساقط بشكل غير عادي..خصل خصل قلت هذا طبيعي يحصل بعد الولاده...رحت قصيته تحت الاذن بشوي..وبدات اهتم فيه..كنت استعمل الحناء وجبت سدر وصبار ومجموعه زيوت ..واخلط الزيوت مع الحناء ماحطها بروحها لان فروتي حساسه واحس شعري يتساقط بعد الزيت..
اعجن الحنا بماء الحلبه والمريميه..
واستعمل الزعتر البري ومنقوع الحناء والسدر..اغسل فيهم شعري..واخد فيتامين للشعر وحبوب حديد
واستعملت الريجن (المينوكسيديل)التساقط ماوقف لكن حسيت بدا ينبت شعر..ماعر ف منه ولا من الخلطات..المهم استمريت عليه مثل مايقولون 6 اشهر..عشان تبان النتيجه..ومازلت مستمره..لكن الشيء اللي خلاني ابكي..اني اشوف شعر ضعيف جدا باهت طوله من 2 الى 3 سم او حتر 4 سم
طايح مع الشعر الكبير اللي اصلا يطيح..حسيت ان الشعر اللي نبت طاح من جديد..ماعرف ايه السبب رغم اني ماقطعت المينوكسيديل..تعبانه يابنات وجالي احباط وانا على فكره صبوره ومابياس بس صارلي قرب السنه وانا اهتم يه وبلا فائده..اللي زعلني هذا الشعر الصغير ..ومره ضعيفه الشعره الصغيره ولونها باهت..هل الخلطات هي اللي طيحت الشعر الضعي وسينبت بداله ام ماذا..علما باني اقرا المعوذات واقول اذكار على اي خلطهوايات الرقيه الشرعيه ..
ماخليت يابنات والله ..العلاج الطبي والعلاج الطبيعيي
يعلم الله اني غير معترضه على قضاءه الحمد لله على نعمته يكفيني والله انه انعم عليا بالصحه والعافيه..ولا اطلب من الله شعر كثيف او طمعا في شعر حلو لكن..الفراغات ذبحتني اشعر بالاحراج من زوجي فراغات كثيره من الامام..علما يابنات ان الشعر اللي يطيح الصغيرمو تقصف لا هو شعر طلع لاني اشوف بوصيله الشعر في اخره..

يارب تفيدوني..ويارب تفرج همي وهم كل مسلمه ..ويجزى من رد علي الجنه والفردوس وحسن الخاتمه يارب العالمين