"والله بدعي لك بسجودي"

السلام عليكم ورحمة الله وبركاته....
هالكلمتين بدت فيها قريبتي "والله بدعي لك بسجودي تكفين ضايق صدري"

قريبتي فبداية العشرينات جامعيه تعتبر جميله وجسمها حلو (كنت اتوقع انها من اكثر البنات الي ماينقصهم شي)....اخلقها مشالله تبارك الله ...ماتحب النفاق الاجتماعي والي فقلبها على لسانه ..ماتعرف تجامل...واكثر انسانه تحب اخوانها وتخاف عليهم ...

جلست معي تسولف كالعاده بس هالمره كانت غير فبدت بالحكي وصاحت .... وكانت دموع المقهور:44:

:44

قالت لي عن شي ماكنت اعرفه انو مايتقدم لها احد :( قلت لها انتي ماتطلعين ولايشوفك احد
قالت هذا الشي عادي ولا كنت اتضايق منه لان "كل شي قسمه ونصيب"

بس صارلي موقفين مع اهلي "وهم اعز ماعندي" حسيت انه جرحني

اختها الكبيره مشالله تبارك الله لاحول ولاقوة الا بالله رائعة الجمال
وخطابها مشالله كثير ....وكانت كل مايتقدم لاختها احد تفرح لها لانها اختها وتتمنى لها الخير
ولكن للاسف اختها ماكنت تنظر لها بهذي النظره كانت تنظر لها من نظرة انها احسن منها وهي البنت يضيق صدرها وتنجرح مشاعرها اذا تقدم لاختها احد وكانت تخاف من عين اختها:mad:


ملاحظه:(اختها موظفه ولاتقولها كم راتبها؟؟والبنت ماعمرها اسالتها...بس قالت لها مره عن رقم طلع اضعاف هالرقم؟؟؟؟؟؟
*****مره قريبتي تسلفت من صديقتها لان بطاقة اختها وقفت وهم بالمحل 3000 عشان تشتري فستان وقالت لاختها ...بكره ارجعها لها ....ومرت سنه وماعطتها المبلغ الا بعد سنه وشوي ....يوم قالت لها قريبتي ليش تحرجيني مع صديقتي؟؟؟؟قالت لها الاخت الكبيره :ماضربتك عشان تاخذين منها؟؟؟؟؟؟؟؟؟؟؟
بهالسنه الي تسلفت فيها ..قالت لها :خذي من اهلي ورجعيها للبنت...قالت:استحي وعندي ارتباطات..
وبعدها بفتره طلبت من ابوها مبلغ عشان تشتري لصاحبتها هديه؟؟؟؟؟؟؟؟؟؟؟؟؟؟؟؟

الموقف 1:اتصلوا ناس يخطبون وغلطوا بالاسم وطلبوا الصغيره وهم يقصدون الكبيره
فجا اخوها قالها واخيرا جا يخطبك احد فشلتينا مااحد يخطبك "ضحكت وقالت زين انه جاني احد"واخذتها من باب المزح
الولد كان مطلق "وامها قبل فتره قالت للكبيره ليش تاخذين مطلق ناقصك شي عشان تاخذين مطلق"
والحين تقولها بالبدايه وش في لو اخذتي مطلق شوفي بنات فلان وفلان وانتي تدلعين؟؟؟؟؟؟
(سبحان الله هالضعيفه حلال تاخذ مطلق؟؟؟اختها لا)بعد اسبوع جت امها الي كانت مزعجتها استخيري عشان نرد عالناس..قالت لها :الولد مايصلح لك انسي الموضوع.
قالت :سمي.
بعد 6 شهور جالسين وقامت الكبيره تعدد الي يخطبونها وقالت نفس اسم(الي خطب الصغيره) فالتفتت الصغيره وقالت:نسيتي هذولا خطوبني وهي فرحانه ..
قالت :ااااااااااايه طيب ...وقامت وتركتها
فجت اختها الصغيره بالمتوسط :تراه ماجا لك بس غلطوا بالاسم بس اختي الكبيره قالت لا نقولك عشانك فرحت (تخيلوا كل بيتهم يدري حتى الابو وينظرون لها نظرة شفقه وهي ضــــــعيفه ماتدري)

قامت وراحت قالت لاختها:ليش ماقلتوا لي ترى مافيها شي بس العيب انكم تسون فيني كذا.
قالت اختها الكبيره :لا انا قلت لهم مايقولون عشان مايجرحونك وانتي بغيتي تموتين من الفرح يوم جاك فقلت مسكينه خلها تفرح مره بالعمر ومو من زين الولد انا ماابيه فليش نقول لك:44::44:

قامت قريبتي لبست عبايتها وطلعت بالحوش تصيح تبي تروح لأعز صديقاتها ...فدخل ابوها قال لها وش فيك؟؟؟؟
قالت له ::ليش ماتقولون لي وكلكم تدرون وكأني غبيه والا كأني انسان سئ هذي اختي واتمنى لها احسن من الي اتمنا لي
قال لها:اسكتي بس وروحي مجنونه انتي .
(الوحيده فبيتهم الي تجلس مع ابوها ولاتزعله ومع كذا مايناديها الا (التبن)تكرمون...ودعوتها دايم له "ياجعل يومي قبل يومك ياابوي"

الموقف 2:(مرت سنه عالسالفه)
تقدم للكبيره واحد مره مليونير مشالله تبارك الله....جت وقالت لاختها.
وهالولد سمعته سيئه...قالت لها قريبتي :موهذا فيه وفيه وفيه وش تبين فيه.
قالت لها :وانتي وش دخلك انا الي باخذه والا انتي؟؟
راحت وقالت لابوها الكبيره عن هالخطيب ووش رايه فيه.
قال لها الابو:انتبهي تقولين لاختك ولاتقولين لها ايش شي....؟؟؟؟؟؟؟
(يعني بتصكها بعيييييييييييييييييييييين مثلا ياناس)ماكنت تدري البنت وش صار بين الابو والبنت الكبيره
فجت اجتها الكبيره وقالت لها:حتى ابوي منبه علي انك ماتعرفين بالموضوع منبه علي كثير..

فتقول نزلت بعدها باسبوعين وفكرت واستخرت قبل لا اقول لابوي هالكلام..
تقول حطيت فبالي "الساكت عن الحق شيطان اخرس"وتوكلت على الله ونزلت
...هلا يبه ..وشلونك؟ابي اقولك عن موضوع اعرفه ولا اقدر اسكت
قال:وشو قولي؟؟
قالت:اسال عن هالولد زززززين لان سمعته شينه وسمعنا عنه كلام شين..
قال:وانتي وش دخلك انتي الي بتزوجينه والا اختك؟
قالت :اختي...بس مااقدر اسكت عن هالشي
قال:خلك فدراستك..ولاتدخلين اختك اكبر وتعرف وش تختار والا عشانه مليونييير وولد الفلاني ماتبينها تاخذه؟؟؟؟
قالت:الله يسامحك...اللهم اني بلغت اللهم فاشهد..
(تقول ماشالتني الدنيا جلست بغرفتي يوم كامل ولا احد يدري عني قلت هذا جزات الي يخاف على اخوانه؟؟؟)

ومع الايام راحت الاخت الكبيره تقول لقريباتها وصحباتها اني اختي فلانه تخرب علي زواجي والولد زين وتقول مو زين"لاحظوا ان الاخت الكبيره تدري ان الولد موزين وسمعت عنه بس حطتها باختها"

بعد ايام اتصلت ام الولد وقالت :ان البنت ابيها تسكن معاي
قالت الام:والله البنت شرطها من اول لازم بيت بلحالها.

انتهت المكالمه ....قالت الام للبنت الكبيره ..قالت الكبيره:لاعادي الي يبون
فقالت قريبتي :فكري زين ترى امه مبين شديده ماتشوفين اسلوبها كيف....ولانقدر نزورك على راحتنا
قالت الكبيره:وانتي وش تبين؟؟؟؟من قالك ابيك تزوريني...احسن عشان ماتزوريني كل شوي وافتك..

(تقول قلت استاهل انا ليش اتكلم مااتوب)

***كل شي يصير الان من ترتيبات ماتدري عن قريبتي وهي وحده بالبيت وصديقات اختها يدرون وهي لا.

****(ليش وصلنا لهالمرحله بالتفكير اذا البنت الكبيره عقلها صغير ليش اهلها يسايرونها؟؟؟

****اناا كتبت هالموضوع لاني حسيتها مره محتاجه ومن كلمتها "والله بدعي لك بسجودي بس ابي احد يخطبني عشان اهلي ماينظرون لي بهالنظره وانا موكذا"
***تكــــــــــــــــــفون (ماابي اقول امانه يقولون بدعه)...تكفون تكفوووووووووووون اي احد يقرا هالرساله يدعيييييييييييييييييييييييييييييييييي لها
1_ادعواااااااااا لها الله يجزاكم الف خير.
2_الي تعرف خطابات بنات حلال ويخافون الله يرسلون لي الرقم..

وان شاء الله باذن الواحد الاحد "بتدعي لكم بسجودها هي مثل ماوعدت"
ومن فرج على مسلم.......:44: