والله بموت من البجي الله يخليكم ساعدوني

السلام عليكم ورحمة الله وبراكاته
حبيباتي انا الصراحة ماادري شنو فيني بضبط
انا بنت عمري 24سنة وصارلي متزوجة 3سنين
في خلال الثلاث سنين حملت ثلاث مرات
ولكن للاسف تتم عملية الاجهاض وانا في الشهر الثاني
يعني ماكو مجال
للفرحة تتم :icon33:
المهم الحمل عندي يتم بسرعة الفترة الي طافت
بس الحين من اجهضت صارلي تقريبا ثلاث او اربع شهور احاول ومن غير فايدة انا دورتي منتظمة وتييني كل 28 يوم
او 27يوم
وانا اتبع طريقة العد ومادري اذا عدي صح ولا لا :icon33:
ابي احد يرشدني
واذا في احد نفس حالتي تقولي شنو سبب اجهاضهة اذا تدري لاني انا سويت كل التحاليل وما طلع اي شي
وانا مسوية تحاليلي في لندن
وانا على امل اني اكون حامل الشهر الياي انشاالله لاني ودي افرح قلب امي وانا رادة لها با العيد الفطر
وانا على فكرة دائما ينزل علي دم بموعد الدورة لفترة يوم وينقطع وبعدين ادري اني حامل وهشي في الثلاث مرات الي حملت فيهم وبعدين طول فترة الحمل تنزل معاي دايما افرازات بنية مستمرة الى ان يتحول الافراز فجأة الى دم وبعدين تتم عملية الاجهاض طبيعي
مع العلم اني ارتاح وآكل حبوب وبس ماكو فايدة
وانا دايما اقرأ قرآن والمعوذات والرقية الشرعية واشرب ماي مقري علية والدهن بزيت مقري علية بعد وانا مستمرة على هل الحال واتمنى من الله التوفيق بس الواح مرات تييلة ظيقة ويبي يفتح قلبة وخاصة مثل حالتي انا بعيدة عن الاهل والاصدقاء
واتمنى انتوا تكونولي الاهل والاصدقاء بغربتي وتساعدوني من بعد توكلي على الله طبعا وثم على نصائحكم لي
وادري اني طولت بس احس اني ارتحت شوي لما طرحت مشكلتي لكم وادري انكم ما راح تخيبولي املي فيكم
وخلاص ابي ابتسم الحين :)
وشكرا ويعطيكم العافية ودعولي بذرية الصالحة آمييييييين
ومع السلامة