والله بموت من القهر والهم من ام زوجي حسبي الله ونعم الوكيل

:44:يابنات حواء الله يجزاكم الجنه انكم تساعدوني بحل مع ام زوجي اللي تكرهني كره العمى .تخيلوا انها ماشافت ولدها اللي هو زوجي من سته شهور او اكثر ولا ترضى انها تسلم عليه. اذا راح لها البيت راحت لغرفتها وقفلت الباب ولا تطلع الا اذا تاكدت انه راح .و السبب موقف صار ومانسته بيني وبينها ,اصلا المشاكل مو اول مره تصير بس هالمره حطتنا في بالها ولا رضت الا لما مسحت بكرامتي الارض ,وبهذلت ولدها.السالفه انا مقاطعين بعض من فتره ولما رحت انا وزوجي نفطر عندهم لقيت المشاكل تنتظرني. دخلت عليهم وامه قامت ورقت فوق كالعاده وقفلت الباب عليها وطبعا ماتبغى تشوفني لا انا ولا زوجي طبعا انا افطرت مع اخته وزوجت اخوه وكنت افكر اني ارجع اطلع بس قلت يابنت بلا مشاكل احنا في رمضان . وقلت يمكن تحن وتنزل وسألت عنها قالوا فوق زعلانه دخلت صليت وسلمت على ابو زوجي وقلت لزوجي ابغى اروح البيت لان بيتي في نفس الحاره وكنت مره متضايقه من الموقف هذا الناس في رمضان شهر التسامح وهي تسوي هالحركات كأنها بزر .رحت البيت ولحقني زوجي وترجاني اني ارجع عشان يصالحونا على بعض في البدايه رفضت بعدين قلت خلينا نشوف وش نهاية هالسالفه ورحت معاه ما حبيت اكسر خاطره لانه هو اصلا نفسيته تعبانه عشان امه زعلانه عليه .دخلت لقيت امه مسويه مناحه وصياح دخلتنا اخت زوجي المجلس ونادت امها وجلس زوجي قال لها هذي زوجتي عندك قولي لها اللي في خاطرك وخليها تقول اللي في خاطرها وحلو المشاكل اللي بينكم هي ماصدقت خبر وسمعتني اهانات اشكال والوان وهي تتكلم زوجي انسحب من المجلس وطلع يصلي .رفعت صوتها وجابت مشاكل من سنين هي السبب فيها وانا اسمع لها وساكته من الروعه انهارت اعصابي وانفجرت بالحكي انا بعد بس كان كلامي معها بأدب بس تحسفت بعدين اني تأدبت معها الانها ما تستاهل الموقف اللي في اول كلامي انا كنا معزومين انا وهي في نفس الزواج بس هي ما توقعت اني اروح للزواج وكنا في هالفتره مانكلم بعض ولا نزور بعض شافتني وصدت وقابلت بنتي عمرها 3سنوات ودفتها من طريقها ولا سلمنا على بعض خفت تفشلني قدام الناس وما نست هالموضوع ليومكم هذا ومن ذاك اليوم وهي ما شافت زوجي . ما ادري وش قصدها بالزعل هذا وللعلم ترى كل سنه تطلع لنا بموضوع بس عشان ترفع صوتها علي .عمري ما غلطت عليهم بس يدورون المشاكل عشان يكرهون زوجي فيني بس انا ماعدت اتحمل الاهانه هل اقاطعهم والا اصبر عليهم وش اسوي مع امه لا ني ماعدت اطيق اشوفها واثرت على علا قتي بزوجي هو انسان محترم بس امه عكسه تماما دلوني شوروا علي انا غلطانه تعبت نفسيتي ومليت ابغى وحده حكيمه ترد علي .