والله بنات صج فرق؟؟

بسم الله الرحمن الرحيم
بنات صج والله فرق بينا وبينهم ؟؟
كانوا في السابق يشيلون هم رمضان ، واليوم احنا نشيل هم رمضان لكن شتان بينا وبينهم
شوفو حالنا يا بنات شوفو شنو همنا الضعف والمتن وكل مو راضي باللي عطاه ربنا
شايلين هم رمضان ان نمتن فيه او يزيد وزنا واحنا ما ندري ان الله يبلغنا اياه والا لا.. وان بلغنا اياه هل يتقبله منا والا لا ..
بنات الافض ان نجعل همنا كيف نعبد الله في كل وقت وكيف نتقرب منه ترى لهذا السبب خلقنا الله .. وترانا قاعدين نتعذب باوزانا والهموم راكبتنا من السمنه .. تدرون ليش ؟؟ لان هذا صار همنا ننام ونقعد وهمنا الضعف ناكل ونشرب وهمنا الضعف نقرء مواضيع عن السمنه حديثنا عن السمنه وعلاجها..
ونسينا الهدف الاسمى الذي من اجله خلقنا.. والرسول قال من جعل الدنيا همه جعل الله فقره بين عينيه وشتت شمله ولم ينل منها الا ما كتبه الله له ,, يعني من صارت تنام وتقعد وبس همها الرجيم راح تتعذب به وما راح تنال اللي تبيه لو شنو سوت
لان قلبها امتلا بهذه التوافه
والحل انك من الحين تعقدين العزم ان ما يكون هذا همك الاكبر , ضعي رجيم صحي واحتسبي فيه الاجر انك تحافظين على صحتك مو عشان البس اللي ابيه واتكشك؟؟ ثم توكلي على الله وانسي الموضوع وشيلي هم ثاني هم تؤجرين عليه وتاخذين عليه الاجر وهو هم العبادة والتقرب الى الله وشيلى هم رمضان ان كنت راح تؤدينه حقه والا لا وانك راح تستغلينه والا لا وانك راح تشهدينه والا لا وضعي جدول بالاعمال الصالحه اللى تبين تسوينها وحتى لو انك ما سويتيها بعدين تكونين اخذت الاجر باحتسابك النيه لعملها وانصحكم بنات
لا تخلون الرجيم اكبر همكم انسوا الموضوع واتخذوا الاسباب بلا مبالغة فيها وتوكلوا على الله واكثروا الدعاء بالصحة والعافيه
وشوفوا النتيجه والله انكم ما تندمون لان الله يقول (ومن يتق الله يجعل له مخرجا ) فاتقوا الله وتوكلوا عليه
وهذه النصيحه تراهي لي انا اولا ثم لكم واسال الله ان ينفعنا فيه وتراني ما كتبتها الا وهي طالعي من قلبي ، ولاني فعلا لمن انتبه لنفسي وشلون صار الرجيم همي استغفر الله واغير هم الرجيم بهم العبادة اشوف شلون تتغير حياتي وينشرح صدري والله ان الناس يقولون لي في هذه الايام اللى ما يكون فيها الرجيم همي اني ضعفانه مع اني اكون ما يهمني هذا
وفي الايام اللي نفسي تغلبني واتبع هواها ومن رجيم لاخر ما انقص حتى نص كيلو وما احصل الا هم وغم
والسلام عليكم :27: