الله يسعدك ويسخره لك

بجد حسيت غصة البكا واقفة في حلقي يوم قريت موضوعك اللهم مالك الملك تؤتيها سؤلها وتخفف عنها وتعدل حال زوجها اللهم حببه اليها يا حي يا قيوم ...
فعلا حبيبتي لاتملكين غير الدعاء ولا تتسرعين وتتصرفين اي تصرف يكون لك حق عليه ...

ياااااااااااااااااااااااه ياأختي والله والله حزنت لحالك
بس ماأقول غير الله يفرج همك
ويصلحه لك حاولي وحاولي وحاولي سوي اللي عليك وأنتظري فرج ربك الكريم
لابد يجي يوم ويتبدل الحال الصبر الصبر ياعزيزتي
الله يهون عليك وعلى بنات المسلمين

الله يفرجلك ويبدل حالك للاحسن
عليك بالدعااااء وان شاء الله مايخيب ظنك

شوفي خيتوو ماعليك من كلام اللي تقول لك تطلقي
اول شي ابعدي عنك السلبيه
والتشائم ترا هذا يأثر على حياتك
ثاني شي نصيحه مني كأخت تحبك وتبي لك الخير
لما تروحي بيت اهل زوجك قدامهم لاتبينين حزنك
وافتخري بزوجك صدقيني اذا جلستي وسولفو مثلا كل وحده
عن زوجها قولي زوجي مو مقصر عني بشي وشيلي الخجل شوي
فيه اوقات الخجل ماينفع فيها وش يعرفك يمكن كلمه تنزل منك حلوه عن زوجك
قدامهم تغير مسار حياتك معاه يمكن اخته تقول له والله وش عليك زوجتك
تفتخر فيك مو مقصر عليها بشي
راح يحس في نفسه ويقول بداخله انا مقصر معاها وفوق كذا تقول
عني بالخير وصدقيني حبه حبه راح تتغير حياتك بس تعلقي بالله
وقوي علاقتك به سبحانه وادعي يمكن تتغير حياتك في هالشهر الفضيل
وتكوني اسعد من خلق ربي مع زوجك واهم شي لاتيئسين وتدعين على نفسك بالموت
ناظري للامور من ناحيه اجابيه واحمدي ربك غيرك ازواجهم
والعياذ بالله يشربون وحقين بنات وهالخرابيط بس دايما كل نهاية اسبوع اقعدي
معاه وقولي له وش رايك نخطط حق حياتنا شلون يكون مسارها ونحدد مصروف للبيت
نتبعه وزي كذا صدقيني حبه حبه بيحس على نفسه
بس اهم شي واقوله مره ثانيه لاتيئسين وخليك قريبه من ربك
واسفه اذا طولت عليكي