اختي درة تسلمي ياعمري والله ان كلامك درر كفيتي ووفيتي ووصلتي الكلام اللي نفسي اقوله الله يكملك بعقلك ويسعدك دنيا واخرة
ويا اخت صغيرونة حبيبتي لاتدعي على حالك او على زوجك بهذي الطريقه الله يهديك احنا في ايام فضيلة والدعوة مستجابه الله ييسرلك حالك ويبدله لك من حال الى حال

عشاني حبيتك وعشانك دخلتي قلبي بقولك كلمه صريحه وخلي عنك الزعل

تستاهلين
قولي ليييييييش؟؟
يعني طول الوقت منطرمه وساكته ومبوزهـ ومحسسته انك مانتي بحاجته بالله تبينه يركض وراك!!
ويطلب رضاك!!

اعتبريني اختك او اعز صديقة ونفذي نصيحتي لو فعلا تبين التغير بزوجك

اللحين اللحين ارسلي لايميل زوجك او جواله
واكتب كل كل اللي بقلبك بس ماهو تدعين عليه وتجرحين وتتشرهين لا اكتبي كل اللي نفسك فيه اكتبي موقفك عند سلفاتك وهم يتكلمون ومع هالبنت الصغيره
اكتبي وش تتمنين
وش اللي خاطرك فيه

والاهم الاهم بهذي الرساله بيني انوثتك وضعف انوثتك له<<ترا قوة المرأة بضعفها هذي حكمت جداتنا قبل
بيني له انك طير وجناحه مكسور وانك بحاجت حنانه ودعمه لك وانك من غيرهـ ناقصه بحياتك
بيني له انك تحبينه بس مانتي عارفه شلون تظهرين له هالحب وقولي انا طفلتك علمني على يدك شلون احبك واحترمك
وقولي له يامحمد فاقد الشي لا يعطيه ابي منك الاهتمام عشان اقدر ابادلك الاهتمام بعد
قولي ابيك فخر لي ابيك لي زينه وخزينه قدام سلفاتي وصديقاتي ابي ارفع راسي بك فوق فوق
ماهو تقلبينها نكد وانت تسهر وانت شاطفني وانت مقصر وانت بخيل لا لا لا

خلك شاطرهـ وذكيه خلك قوية وبوقت المناسب قولي محمد ابي فلوس ياقلبي <<بدون تردد وبزعمك تتغلين ومسويه فيه عزة نفس يا اختي كل الرجال يهاوشون وينكدون عشان الفلوس بس ولو والله لا انشب بحلقه لانه بهاوش اول مره ثاني مره عاشر مره وعقبها يبي يهون<< لانه يبي يقول بداخله خليني اعطيها لا تحن على راسي هي ماراح ترتاح الى ماتاخذ هالشي ابي اختصر على نفسي واعطيها<<الرجال مثل الطفل ياقلبي


توك بأول عمرك امكنيه وعوديه على اللي تبين وخوذي حقك كامل مكمل بطول بالعرض خووووووووذيه لاتتنازلين

ياقلبي حنني قلبه عليك
خليه يحب البيت وجوه
واذا طلعتي اهذري سولفي بالسيارة كلميه عن نفسه امدحي جسمه امدحيه بالفراش طيريه فوق السحاب سولفي عن سيارته وامدحيها اسألي وش اخر موضه بزينة السيارات((حتى لو ماتفهمين بسيارات شي عيشيه الجو اللي عايشه مع اللي بالاستراحه))

يابنت تحركي ليش واقفه بمحلك والناس تتحرك!!

ان كيدهن عظيييييييييييييييم<<تمقلي بهالكلمتين زين زين وراح تشوفين عجب العجاب
التغير امله عند الله ثم بيدك

(ويقولك المثل حافظي على طيرك لا يلفي على غير)<<تغمز لك

واذا انتي ذكيه وشاطرهـ ....راح تفهمين كلامي

اي استفسار عند الخاص لا اجلدك<<ماعليش تحمست من سالفتك عاشت دور الام

انا رايي من راي الاخت الي ردت اول شي و
الاخت دره ترا الرجال من نظره الحرمه يتاكد انها
تحبه او تكرها فما بالك انتي الي ماده البوز علي قولتك
اذكري ربك وابدي صفحه جديده مع زوجك
وبالذاااااااات الفراش اعذروني علي شفافيتي بالكلام
بس صدقيني 90 بالميه من المشاكل العائليه
اساسها عدم الرضا بالفراش
ولا تفكرين كل زوجين وسلفاتك وغيرهم راضين ومبسوطين
وماعندهم مشاكل بالعكس مافي احد ماعنده
مشاكل بس الشاطر الي يقدر يتعايش مع
المشاكل عشان يقدر يتفرغ لها ويحلها
مثل ماقالو الاخوات اهتمي بنفسك و خلي يحس انك تحبينه وتبينه عشان بعد فتره
تبدين تنصحينا يصلي ويحب الجلوس بالبيت
عشان بكره اذا الله رزقكم اولاد تكونون حليتو هلمشاكل باذن الله

حبيبتي الله يفرج همك ويعوضك خير بصبرك تقطع قلبي لاني مريت بنفس ظروفك في بداية حياتي وحاسة فيك
عليك بالدعاء والاستغفار والكلام الحلو هو اللي يجيب راس الرجال وشوفي وش اللي ممكن يجذبة وسويه او وفرية له زوجي ماهجد بالبيت الا لمن قمت اشغل التلفزيون له ويتابع مسلسلات ثم قمت احط بداية ويتابعهم وصار يستمع للشيوخ وتاثر

وبدأ يتحسن مو بالمرة بس افضل من اول بكثير

و الحين الحمد يحافظ على الصلاة ويطلع ليليلا لكن اهون من اول الله يسعدك

ياقلبي والله حزنت عليك .....الله يعوضك يارب ويسخره لك

بجد لو بتسولفين وش بتقولون لهم ...اذا صار زوجك مايطلعك

الله يصبرك ..كلميه والله ماصارت عيشه ذي

والمشكلة مو صغير نقول عمره في الـ20


خلاص الحين صار له بيت وزوجة

خير ان شاء الله طول اليوم برا البيت ....وشوله اجل متزوج ؟؟؟؟؟


ياقلبي لاتدعين ع نفسك بالموت عشان زوجك هاللي متعبك

اذا صرتي معانية منه مره ، كلمي احد يكلمه .... والله منتي قادرة تصبرين السنين الجاية

ع قولة الحريم كلميه باسلوب حلووو ، ووضحي له اللي يضايقك


الله يصبرك وحسبي الله ع كل رجال ظالم لزوجته


التزمي الاستغفار وادعي له ان الله يسخره لك