والله بنفجر ......

ثعلبه ,, انا اشوف الحاله الي انتي فيها مو زينه على الياهل


قنعيه انه هالشي مو منج من الحمال والتعب وجذي .. وروحي قعدي في بيت اهلج ريحي وفرفشي ويا خواتج وامج ..


....

اما بالنسبه لاسئلته اتخوف صراحه .. حاولي تعززين الثقه بينكم
ولا تخلين همه بس مراقبتج ومراقبته

واذا ولدتي على خير لا تخلين حياتج بس ولدج وتبديل وتنظيف وطباخ ومجابل امه

دوري شي تشغلين فيه نفسج وتحسين انج منتجه ولج اهميه بالحياه ..

يعني شغله يدويه ابسط شي ممكن تتعلمينه وتعلمينه ام زوجج عشان تسكت عن الحش بخلق الله ..

ولا شغليلها كتاب صوتي اذا ماتعرف تقرى خل تستفيد اشويه من حياتها ..

وكله ذكريها بالاذكار .. الي قاعد يصير مايرضى فيه احد ..


والله يعينج يارب ويفرجلج ..

قلبي معاكِ حبيبتي والله يصلح زوجك ويهديه يارب
عليكِ بالدعاااااااااااء
ادعي له أن الله يهديه
وخليكي في بيت أهللك لين تولدين إذا وافق
والله معك

انتي قلتي سبب المشكلة بنفسك .. ((ماعندي هدف في الدنيا))

حبيبتي لازم تشغلين نفسك بشئ ...انتي حطتي زوجك محور حياتك كلها حتى صديقاتك تخليتي عنهم ... اكيد تحسين بالفراغ خاصة وهو مشغول بعمله

حاولي تركزين الان على الحمل.. وترى الحالة النفسية تأثر على الجنين .. يعني لاتحاولين تكردين خاطرك ... وبكرة تنشغلين بالنونو وياخذ كل وقتك

ايش هي هواياتك؟؟ ارجعي لها .. مارسيها..

اقرأي كتب عن الاطفال والعناية فيهم ... حاولي تنمين شخصيتك اكثر.. نوعي اسلوب حياتك


زوجك من النوع الشكاك والغيور.. كوني واضحه معه حتى تكسبي ثقته تدريجيا ان شاء الله يتغير ترى اغلب الازواج كذا ..يوم تكسبن الثقة بتشوفين شئ طيب ان شاء الله

هو يمكن الحين شايف انك حامل ومشغولة بحملك وتعبانه ومايبغى يتعبك بالسفر والطلعات والسهر

كلميه بهدؤ وقولي له: ترى الحالة النفسية تأثر حتى على طريقة تعاملي معك ومع الاخرين.. انا طلباتي بسيطة ابغى كذا وكذا

هذا اللى عندي كتبته بسرعة والاخوات لن يقصروا معك
:26:

اذكري الله وحاولي تقرأين القرآن بكثرة
عشان نفسيتك ترتاح وصدقيني الحمل وبالذات في الشهور الاخيرة
يخلي نفسية الحرمه تعبانه وهذا كلام خواتي لما يحملون مايطيقون شي
وياعمري الرجال مايحب الحرمه اللي بس زهقانه يعني مو بس زوجك
وهي كلها فترة وتعدي وبس تولدين بالسلامه ان شاءالله لازم تسوين تغيير
لبرنامجك اليومي بحيث مايكون فيه روتين
والله يكون بعونك وييسر لك امرك ،،، آمين

للأسف هالنوعية من الرجال كثير >>أقصد اللي يشكون بحريمهم لأن الغالبية منهم يكون لهم ماضي فيحسبون كل الناس مثلهم..

عموما لازم تعرفين انك كلما تنازلتي أكثر فهو بيطالبك بالمزيد ولازم تخلينه يثق فيك ويعاملك باللي تستاهلينه ان كانك متأكدة من نفسك...

ترى والله حياة الشك تقصم العمر وتكره الوحدة في عيشتها وتتمنى الموت ..وما يبدا الرجال يهدا الا بعد ما يشيب براس حرمته بعد 15 سنة!!
هذا من ناحية

من الناحية الثانية لازم تشغلين نفسك وتحسسينه انك مبسوطة مع غيره ووقتك مو فاضي لملاحقته عشان يحس فيك...

خليه يسمح لك تقعدين ببيت اهلك لحد ما تولدين بالسلامة وبعدها بتتلهين بالطفل مع شغل البيت وطبعا لازم تثقفين نفسك بالقراءة والاطلاع ...
ولو شفتي عندك وقت زايد ادخلي دورات وتحفيظ قرآن واستفيدي من وقتك...

الله يوفقك ويسهل عليك ولادتك ويسخر لك زوجك...