والله تعبت

السلام عليكم و رحمة الله و بركاته
بأدخل في الموضوع على طول انا تعبت من زوجي و تصرفاته هو ما يقصر معاي طيب و حنون بس بيني و بينه قدام الناس يتغير علي 180 درجة و مع ذلك صبرت و تحملت الحين طالع لي بسالفة جديدة هو مسؤول عن 3 عوائل و برضاه محد جبره مسوي فيها انا الفارس المقدام ( بيته و بيت اهله و بيت اخوه لان اخوه عسكري و مرابط ) انا في البداية رضيت و قلت باوقف معاه هو مضغوط الحين دوام و كرف لازم اكون جنبه لكن في الاخير اكل هوا يعني تخيلو كل ما اطلبه شيء او حتى غرض من الصيدلية يعصب علي و انا مضغوط نفسيا و انا ما ادري وش و انتي ما تقدرين طيب والله اذا ما جبت لي انت مين يجيب لي المهم قلت له فضي لي نفسك في يوم هاليوم يكون لي انا و ولدي بس قال لا والله حتى اهلي تبغيني اصرفهم علشان ترتاحين حضرتك قلت له ما قلت له لا تخدمهم انت حر بس من حقي انا و ولدي نطلع نتمشى نغير جو مليت من حبسة البيت زعل و ما يكلمني امس قلت له متى بنروح نقضي لرمضان قبل الزحمة و الحوسة قال بعد ما افضى من اهلي و اهل اخوي قلت له لا والله احلف بس قال حطي في بالك ان اهلي اول بعدين اخواني و اخواتي بعدين عيالهم و بعدين انتي و عيالك يعني لا تحسبين انك اكبر اهتماماتي قهرني يابنات قهرني يعني تخيلو يصحونه من النوم يبغون يروحون المطعم الفلاني او السوق الفلاني و يدقون عليه بأي وقت و يتشرطون و يوديهم مدارسهم و كل مشاويرهم عليه من يطلع من الدوام لين الساعة 9 ما يقدرون ان هذا إنسـان توه طالع من دوامه و اذا انا جيت طلبته قال مافيني حيل و انتي فيك و ما فيك انا الحين ببيت اهلي قلت له لما تعرف قدري و اصير من اهتماماتك تعال دق الباب وش رأيكم يا بنات الموضوع عادي ولا انا مكبرته