والله تعبت انصحوني وش اسوي مع الحظ الردي

يابنات انا وربي تعبت من زوجي حسبي الله ونعم الوكيل ماغير يتحرش هالخاروف من اهله ويجيني وربي يضربني يهينني يكسرني يحط راسي تحت رجوله غير كذا خيانات بخيانات ماهو رجال مثل الرجاجيل وربي يابنات لسانه وصخ لدرجه يقول كلام وصخ عن امي وخواتي كرهت حياتي وربي يومني حامل يشيلني ويرجدني حسبي الله ماله راي ابدددد يمشونه علا كيفهم يخاف من اهله حيييييييل ويوم الاربعاء الي راح جاني متحرش كسرني تكسيررر وربي وقدام امه وخواته مسح بكرامتي البلاط قدام اهله الي اربع وعشرين ساعه يسحبون فيه بشرطه ماهو كفو الي يوكلونه تبن يسكت والي يقولون به هه يرجدهم طردني من البيت ونمت تحت كانت امه تكذب علي انا اجيبها وانا اجيبها وصدقتها حسبي الله عليها الله يحرق قلبها نفس ماحرقتلي قلبي المهم جابوني حذفوني وخذو بنتي مني انا رحت لشيخ وعلمته بكل شي كل شي من اول مااخذته ليومي ذا انصدم لدرجه قلتله وربي يحط الشراريب بفمي قالي الحق لك وبنتك راح تجيك وطلاق راح تتطلقي دامك تبين تعععععععععععععبت تععععععععععععبت كرهت نفسي وكرهت حياتي كرهت كل شي حوووولي كرهت شي اسمه زواج حسبي الله عليه كرهته بعد ماكان عيني الي اشوف فيها بعد ماكنت اعشق ترابه وانهبل لاطلع من البيت وربي ادور اي عذر بس مايبعد عن البيت كرهته وربي اتمنى ربي يعوقه بدل مايحمد ربه اني متحملته ومتحمله اهله الي ماينحملون عذه اهله وهم اهله يعايرونه دايم سنتين وانا من هم لهم سنتين وحياتي كلها هموم سنتين ماعمري نمت ع المخده مرتاحه وححححق الله لدرجت جاب حبيبته لبيتي وش اردى من ذي وش اردى عذبني معه اهله جبروه يتزوج غصب طيب انا وش ذنبي .. ماخلوه ياخذ الي يبيها بعد انا وش ذنبي .انا يسوي فيني انا الي كنت احبه انا الي لامرض مانام الليل واتمنى التعب فيني ولافيه انا الي تحملت ضيمه وجحيمه انا الي سكت يوم امه وخواته دخلو بيتي وربي يابنات اكثر من مره ياخذون غراضي واسكت دنيات نفس واتحمل لعيونه لاكن امه ماهي كفو لاهي ولابناتها غلطتي كنت محترمتهم ولاماهم كفو احترام لو لساني طول لسانهن ماكان صار معي كذا الله يسكرها بوجهه مرده بيعرف غلطه دعواتكم لي حسبي الله عليه وعلى اهله الله يحرق قلبه الله يحرق قلبه ياما صبرت وتحملت عشانه لدرجت انه اكثر من مره قذفني ويقول البنت ماهي بنتي ياما وقفت معه ضد اهلي ياما طلعت وركبت معه ونا زعلانه ولااسمع كلام اهلي انا استاهل الي صارلي وربي ماسمعت احد ولاطعت احد واقف مع اهله ضدي اهلك ياما سحبو فيك وياما جرجروك بمحاكم وياما قالو انه سكير نكير والله ياقالولي بلاوي عنه واسمع منا واطلع منه بس الله مايخلي احد ماعليه بكرا امه تسحبه بشرطه وربي مصروف وهو مصروف مايعطيني اشياء كثير راحت بنفسي اشيا كثير مت عليها ولاخذيتها وانا الي بحياتي محد خلا شي بنفسي اهلي بالاغلب هم الي يصرفون علي ملابس وربي اجيب من اهلي يجلس يتمنن علي دايم لابغا يشريلي ... جوال جابه لي لازعل خذا الجوال قال جوالي خخخخخخخخ وربي شر البلية مايضحك كل ماذكرت يوم طردني قال جيبي جوالي وخذاه وربي اجلس اضحك من جدد صغيرر كرهت اطلبه شي المهم الله يعين ابي اسال كم تطول شغلت المحاكم من قد اشتكت وجتها بنتها والطلاق بدري يعني بنفس اليوم .. يقدر يطلقني وهو واقف صح ..واذا جتني بنتي وتزوجت البنت تبقى مع امي صح ..؟ واذا رفعت قضية خلع بيومها تخلص ولالا ..
دعواتكم لي .. انتو خواتي لاتنسوني من الدعاء ...