والله تعبت عطوني الحل

السلام عليكم

انا مشكلتي هي ام زوجي

في الاساس هي ماتحبني من اول زواجي لكنها كانت تجامل اما الحين لا قدمي تدعي علي وتتحسب علي وانا ماسويت لها الا كل خير

وغير كذا ناشبه لي يعني ابي اروح اسافر اغير جو مع زوجي وعيالي لحالنا لا

لازم تكون معانا يعني الحين لي تقريبا 3 سنوات من تزوجت مارحت مع زوجي وعيالي مكان من غيرها الا مرتين

والمشكله اذا قلت لزوجي قال مااقدر اخلي امي لحالها واخوانه رافعين نفسهم لان احنا معها في الشقه اللي مع بيتها

والاعظم من كذا اذا راح لها زوجي وقال لها يمه احنا بنروح هالمكان تروحين معنا تقول اكيد اجل تبون تروحون من دوني

واليوم جلست اتناقش مع زوجي قلت له ابي اسافر لو مكان قريب طول الاجازه مارحت مكان قال طيب قلت من بيروح قال انا وانتي وامي والعيال

قلت له انا لي حق حالي حال المتزوجات اروح معك ومع عيالي لحالنا قال طيب انا مااقدر اخليها قلت له المشكله اذا راحت معنا ماتحمد ربها وتدعي لنا تقول ماقصرتوا وسعتوا صدري لا بالعكس طول الطريق تسب فيني وتدعي علي بصوت مسموع وانا اموووت حسره وقهر ومااقدر ارد عليها عشان ماازعلك

قال طيب شسوي مااقدر ازعلها اخاف يصير لها شي واكون بعدين انا السبب

طيب الحين شسوي ابي اروح واجي مع زوجي براحتي ,, والله لو كانت ماتسب فيني ومعي حليوه وطيبه كان قلت ماعليه بس شنو الفايده اروح ابي اوسع صدري وارجع متضايقه اجلس في بيتي احسن

انتوا شرايكم؟؟

تكفووون اللي ماعندها حل تدخل تدعي لي ان ربي يفرج همي ويجبر بخاطري