الله يهديه

بس حبيبتي مساله الصلاه لاتتهاونين فيها ابدا

والله يسخره ان شالله

اختي

خذيها انتي بحسن نيه
يمكن في شغلات هو ما يحب يقولك وثلاث ارباع الرجال كذا بعضهم يرد على زوجته ويقول خصوصيات مالك شغل فيها والبعض يقول هااه مدري ما اذكر وش تساليني عنه والبعض يرد عليك بمواقف ما سواها بس ما يحب يردك بسؤالك

خذي زوجك بحسن نيه ليش نقول مرض نفسي او او او
اعتبريه ما يحب يقولك خصوصياته وانتي تجنبي تسالينه عن الطالعه والنازله

بصراحه تشوفين نفسك لو يسالك عن خصوصيااتك كلها بتنجنين مو كل شي لازم يعرفه وموكل شي هو له دخل فيه
وانتي نفس الشي
ابعدي عن ادق التفاصيل والاسئله الي ماتستفيدي منها الا حرق اعصابك
ومسالة ان مشاعره تجاهك كاذبه لا تخلي الشيطان يلعب برااسك
الرجال لو يحس مجرد احساس انه ما يحبك مايقولك اي كلام ولا اي مشاعر تظهر لك
وش اللي يحد اصلا هو مو زي الحرمه تضغط عشان ما تخسر زوجها هو رجال يعني بكلمه يرجعك لاهلك
وهذي عشره صعبه يتصنع وحب والحب مو كلمه تنقال

وشي ثااني اتوقع انتي فاظيه وعشان كذا تراقبين كل تحركاته ولو تسالين كل وحده بالمنتدى بتجلس تطلع لك عيوب الدنيا برجلها

وماافي اسهل من انها تكتب رد يخليك توسوسيين زياده
نصيحتي لك دينيااا>> الجااي لله دعااء وصلاة واستغفاااار في كل وقت رددي
معيشتك >>اشغلي نفسك اذا انتي فاظيه ادرسي اذا خالصه دوري لك اي طلعه لو ناادي تخلصي وقتك فيه
الصلاة مالها دخل في كلامك اللي قلتيه يعني تتوقعين بيقوم يصلي عشاانك! لاحبيبتي ما دام انه يصلي ومو تاركها خلاص فهو محافظ صحيح انك تشجعينه ع محافظته في الجماعه وما تخلينه ينام ع راحته
يعني انتي عليك تقومينه اذا نايم وبعدين لا تتوقعين كل الرجال حاطين منبهات مع الاذان صدقيني اغلب الرجال الامن رحم ربي طقاق مع حريمهم في النوم عشان الصلاة<< وهذي كثير اسمع عنها موو بس انتي
بس ماشاءالله عليك مبين انك عااقله لانو همتك النقطه هذي
ولا بعد لو قلت لك عن واحد يقول لحرمته الجماعه مو ملزوم فيها!! اصلي بالبيت وبس > وسبحان الله كانت تدعي في كل وقت والحين هو من المحافظين ع صلاته في جماعته>> خالي ع فكره هذااا
ومبين ماعندك عيال صح!
صدقيني الفرااغ يسوي كثير وكثير
انا مجرد جلوسي بالبيت ابدا اطلع بلاوي الدنيا بزوجي
ومجر خروجي من البيت انشغل بنفسي وما اشوف غير محاسنه لاني باختصاار لهيت عنه

معليش كلامي مخربط بس هذاا اللي طلع معي

ربي يسعدك ان شاءالله
^_^

:(حبيبتي الكدب مو سهل لكن يمكن زوجك فاهم غلط في انه يجوز الكدب بين الزوجين باطلاق :( وبعدين حتى مو مبرر انك تتركي بيتك انادايم اكلم زوجي بشكل مو مباشر عن انه اكره شئ هو ان الشخص يتلاعب بي وابين له انه كل كلمة محاسب عليها لكن باسلوب مقنع غير مباشر:42:حبيبتي تاني ويمكن يبين لك السبب وبعدين بسالك انتي لاحظتي حتى مع غيرك كدا؟
واخيرااستشيري التربويات الخيرات اهل العلم واداتبي ارفامهم ارسلك عل الخاص
كل الي قلته بخصوص الكدب
لكن مسالة الصلاة ماوضحتي :pهو متهاون يعني ياخرها بس مايتركها اوتارك لبعض الصلوات بالكلية تفرق
وبعدين انااصلا شخصيا ادا عندي مشكلة مااعرضها كدا في المنتدى لانه تختلف وجهات النظر ويختلف مقدار الثقافة والعلم والخبرة بالحياة

الكذب ماله علاج الا المواجهة ... اذا حسستي الكذاب بنظراتك وكلماتك انك عارفة انه كذاب راح تكون له ردة فعل وحدة من اثنين
يا اما يهاجمك و يسوي مشكلة ويبدأ يدافع عن نفسه بكلام متخبط وكله في محور واحد ( انا اكره الكذب - لاتتهمني بالكذب - انا مو كذاب )
أو انه يخجل من نفسه ويستحي ويبرر كذباته بقائمة أعذار طوييييييييلة

اختاري كلمات واضحة وصريحة ومباشرة .. واذا انحديتي انك تقولين له انت كذاب قوليها ..

في الحالتين الكرة في ملعبك .. في الحالة الأولى اكتفي بإرسال رسائل عن طريق نظراتك وابتساماتك تحسسه انه عيب عليك رجال طول بعرض وتكذب .. واذا قلتي شي قولي له((( أنا فقدت ثقتي فيك وصعب اصدقك بعد اليوم )))

والحالة الثانية اذا بدأ يبرر .. انتي هاجميه وحاصريه ولاتعطينه فرصة يغير الموضوع نهائيا .. خليك صريحة معاه و جريئة وحطي عينك بعينه وانتي تقولينها له .. لاتكذب انت رجال كبير ليه الكذب ؟؟ خايف من شي؟؟
بيحاول يغير الموضوع ويشتتك اكيد عشان ينفذ بجلده .. خلي حديثك معاه في نقطة محددة .. لاتكذب علي لان كذبك قاعد ينقص من قيمتك عندي .. اليوم تكذب علي وبكرة تكذب عند أهلي والا أهلك تحطني بموقف محرج معاهم ليه ؟وتخليهم يقولون زوجها كذاب انا ما ارضاها عليك ولا على نفسي ..

الخطوة الثانية ... طنشيه كم يوم .. التطنيش مو تسوين فيها زعلانة وتضطرينه يعتذر ويطيح الحطب
أدي واجبتك كزوجة من طبخ وتنظيف و تجهيز ملابسه وتعاملي معاه بس بجموووود .. لاضحك ولا سوالف ولا اي شي .. شفتيه دخل الغرفة اطلعي انتي .. شفتيه جاي الصالة سوي نفسك انشغلتي وقومي من مكانك .. لاتعطينه فرصة يتكلم ابد
اذا سأل وش فيك قولي مافيني شي .. واستمري في التطنيش
ادري بتتعبين بس حاااااولي الله يخليك لاتضعفين
بيلزم عليك ويسأل عن سبب تغيرك عليه .. قولي مابي اتكلم معاك تقعد تخترع لي قصص مالي خلق كذب وخرابيط
خليه يحتقر نفسه .. اذا احتقر نفسه وحس بإن اللي يسويه غلط وان حياته مهددة طول ماهو كذا سواء معاك او حتى في علاقاته مع اصدقائه لانهم راح يخلونه مسخرة ويضحكون عليه وينعتونه بالكذاب .. هذي بداية العلاج ..

كثير ناس عندهم هذي الحالة وهي ترسبات من الطفولة ..
يمكن كان يلجأ للكذب لأن خياله واسع .. وعلى فكرة اغلب الكتّاب والروائيين المعروفين كان لهم اختراعتهم وقصصهم ايام الطفولة .. واستغلوا موهبتهم في الكتابة وحتى الممثلين اللي نشوفهم في المسلسلات نفس الشي .. او يمكن كان يلجأ له بسبب الخوف وعشان ينجو من العقاب
وتستمر معاه لين يكبر ويوصل لعمر مايكون له مبررات للكذب سوى لذة الكذب ذاتها .. يستمتع فيه فقط لاغير
وعدم مواجهته مشكلة ... لانه يحسب ان كذبه صافي و نظيف والكل يصدقه ..
مازال عقله موقف عند مرحلة الطفولة اللي كان الكذب فيها ينقذه من العقاب ويعطيه مجال لتجمع الاصدقاء حوله عشان يسمعون مغامراته وقصصه ويصدقونها بحكم انهم صغار ويبحثون عن قصص غريبة
ومو مستوعب انه كبر وان فيه ناس ممكن تجرحه بعبارة (( روح بس انت كــذاب ياكثر خراطك))
أهم شي يحس بان الكذب يسيء له كرجل قبل كل شي
ضروري ينجرح و ينصدم عشان يفوق ويراجع نفسه ويسأل نفسه انا ليه قاعد اكذب ؟

هذي مهمتك يابسمة الشوق .... علاجه بيدك .. سنة ونص زواج انا شخصياً اشوف انها سبب كافي لإنك تحاولين تكونين سبب في علاجه بما انك نصه الثاني الله لايفرقكم ويسعدكم :)

اما موضوع الصلاة ان شاء الله ان الله يهديه ويصلحه وعليك بالدعاء وكثرررري منه والله يجبر بخاطرك ويسعدك دنيا و آخرة

الله يعينك يااختي
بصراحه ذكرتيني في زوجي كذا كان يسوي معي
انواع الكذب وانا كاشفته على العموم انتي لاتكبرين الموضوع
حاولي تتناقشينه على هالكذب
انا من واقع تجربتي مع زوجي صدقيني راح يستمر زوجك طول عمره على الكذب الا ان يشاء الله
الله يكون في عونك ويهديه ويبعد عنه الكذب