والله تعبت يابنات / مشكلتي مع بنات سلفتي 😭💔

السلام عليكم
اول شي بحكيلكم عن سلفتي والله انها طييييبه وماشفت اطيب منها مالقيت غيرها بالغربه وقفت جنبي بولادتي وكانت لي نعم الاخت الله يجزاها الخير ويسعدهاا يارب


مشكلتي مع عيالها بنتها الكبيره ام 13 سنه ماشاء الله عنها مؤدبه وحيويه مررره بس عندها بنت عمرها 10 سنين وبنت 3 سنوات ونص بنتها ام 3 سنوات يجيبونها عندي كل يووم تلعب مع بنتي اللي عمرها سنه و11 شهر يعني قريبه لعمرها
من بعد ماولدت بعشرين يوم وهم يجيبونها بشكل يومي يعني يوم ويوم لا او يومين ويوم لا يعني بالاسبوع 4 مرات يجيبونها
المشكله موو هنا المشكله هذي البنت عناااااديه بشكل مايتصور يعني اي شي تشوفه تبغاه انا بنتي مؤدبه واذا انا قلتلها ممنوع تفهمني وتبطل عشاني ماعودتها ع العناد شاده عليها شويه
المهم تجي بنت عمها ام 3 سنوات تبغى كل شي ماشاء الله وتضارب بنتي على كل شي يعني تاخذ كل العاب بنتي وماتبغاها تلعب وتاخذ ايباد بنتي وماترضى تعطيها اي شي اي شي ماترضى لبنتي تاخذه وبنتي ياقلبي تقعد تبكي تبكي واذا حاولت اخذه من بنت عمها واعطيها بنت عمها تصييييح وتفحر بالارض كل ماتبغى شي اسلوبها تقعد تفحر في الارض لين تاخذه لو اكلت اي شي تكبكب بكل الغرفه وتفتته برجولها بنتي صارت تقلدها بوجودها
حتى اختها ام 10 سنوات لما تجي تحرجني تبغى كل شي يعني شوي تبغاني اسويلها سوفليه وشوي تطلبني اسويلها اندومي وتبغى ذا وذا ماشاء الله عليهم انا عندي طفلين بنتي وعندي طفل عمره شهر ونص ماقدر عليهم طول اليوم اجري وراهم
حتى زوجي مل وطفش من هالوضع من يوم ماطلعت من الاربعين مامسني عفوا ع الكلام بس زوجي طفش وتعب اليوم كنا مجهزين وقالي نيمي الولد وانا بنيم البنت قلتله البنت وديها بيت عمها عشان مايقدروا يجوا قال لا مابيجوا مارضي يوديها قال انا بروح اجيب عشا واجي بسرعه بعشيها وانيمها المهم راح وشوي يدق الباب طلعت بنات اخوه الثنتين لما اجا زوجي شفت وجهه تغير حطيت العشا وهو دخل الغرفه سكر على نفسه تخيلووو ومارضي يفتح طفش من هذا الوضع
الحين وش الحل بالله انا ماابغى اخسر علاقتي بسلفتي الطيبه وتعبت من عناد بنتها 💔😔