والله تنرفزني بحركتها ولا انا غيوره بزيادة

السلام عليكم ورحمة الله وبركاته
عندي العاملة
تقهرني في حركة رفع بنطلون اليونيفورم تسفطه تخليه فوق مرفق الرجل بشبر تقريبا مره اقول عشان تغسل دورات المياه ماتبي يجي مويه وكل مره عذر ومسلكة الموضوع وبشل يومي ذا البنطلون ترفعه وتصفطه دايم يوميا ماعمره خلته وانا مطنشه
اليوم لاحظت زايده تسفيطه صاير تحت الركبه على طول وهي تغسل المواعين هههههههه وربي فقعت مرارتي المشكله وزوجي توه جاي قالي ههههههه كل ماتذكر هههههههه وش فيها هذي سيقانها طالعه حسبته يقولي غطي سيقانك هههههه
واستوعب ولا الحرمه مصفطه البنطلون التحت الركبه يوم طلع رجلي جيت ونزلت بنطلونها وقلت ليش كذا مايصلح لاعمري اشوفك مصفطته تمط خشتها وتزعل ليش اقولها كذا
ابي افهم تركيبتهن يحبن العناد القلق رفعت ضغطي قسم بالله بعض الاحيان اقول هذي رافعته الشي بنفسها قمت اوسوس رفعت ضغطي وتزعل بعد الظاهر لو اسكت لبست شورت وتمشت فيه
وعلى فكره سبق ونبهتها تسكتني يومين تنزله ثم كل يوم تصفطه صفطه البنطلون وشوي شوي لما يصير تحت الركبه
وش الحل معها هذي شي مقلق صراحه كود وراهن وراهن:(