والله ثم والله ان بشرتي لونها فتح .. والسبب .......

مرحبا الساع

شحالكن شعلومكن .. عساكن بخير

قبل فترة سويت بحث بالمنتدى عن خلطات تبيض للوجه وتشد وغيره

ولقيت لي خلطة موز مع بطاط وفيها اشيا كثيرة

المهم .. عاد قمت وسويتها بالبداية وجهي انشد وصار حلو وملمسه ناعم بس مع مرور خمس ايام من استخدامي لها

الكل يقول لي شمسوية بحالك ؟؟ سمرانة؟؟:eek:

انا اللي ابي ابيض .. اصير سمرة؟

المهم وقلت خلاص اتركها احسن لي ..

وتركتها

وقبل اسبوعين أو اكثر .. رحت الصيدلية اللي يم البيت وشلت لي اغراض

وكريمات ومنظفات وواقيات

وطبعا وجهي انا فيه آثار حبوب غامجة بلون البني المحروق ..

قبل كذا يوم الوالدة الله يحفظ عمرها تقول لي حفيتين وجهك ؟؟ قلت لها ليه؟؟

قالت لي بيضانة والحب آثاره مختفية

قلت لها قولي والله ؟؟ قالت لي جد يعني ..

عاد انا فرحت واتشققت وماصدقت خبر

بس طبعا انا ماكنت حافة

وفعلا يعني انا نفسي لاحظت هالشي

والحمدلله

انا بعد ماشفت نتايج زينة قلت اقول لكن ..

بس يمكن اللي يناسبني مايناسب غيري

وانا من النوع اللي اجازف ولا اهتم ..



اخذت لي
صابونة كلين أند كلير
جل التفتيح للبشرة الدهنية من فير آند لفلي الللي بالبابايا والبطيخ
كريم الهميلايا لازالة الحب والبثور
واقي ضد الشمس من اولاي
مقشر من نيتروجينا مزيل للرؤؤس السوداء


طبعا انا لما ارقد احط لي
كريم الهميلايا واخليه على وجهي
الصبح اغسل وجهي بالصابونة واحط واقي عن الشمس

طبعا لاني عندي دوام فعشان كذا ملتزمة

المهم

رجعتي الظهر اغسل وجهي بالموية واحط لي التقشير اللي من نتيتروجينا
واحط الواقي واانام

المغرب اذا صحيت احط لي جل التفتيح واخليه لنص اليلل وبعدين احط الهمييلايا مرة ثانية

وطبعا التقشير مو يوميا اسويه

كل ثلاث اربع ايام

هذا بس حبيتكن تستفيدن وسلامتكن

واذا تبون الصور انا حاضرة

اي استفسار حاضرين