والله جالسه اموت على البطيء

مرحبا بنات .. اخباركم .. ؟
انا عضوه جديده على المنتدى الجميل .. ومره احس بكتمه قلت افضفض لكم ..
موضوعي شوي غريب ومو فاهمه له .. انا بنت الحمدلله اجتماعيه .. على قدر من الجمال والكل يشهد لي بذا الشيء ولله الحمد ، متفوقه دراسياً .. بقولكم مواصفات جسمي عشان تفهموني .. نحيفه .. شعري مره مره كثيف ولحد ركبتي تقريباً والحمدلله جميله .. كانت امي معلمه مغتربه .. بيوم من الايام رجعنا لديرتنا الاصليه بعد معاناة دامت ٣ سنوات .. هنا المشكله .......
من بعدها تغيرت حياتي ١٨٠ درجه والله العظيم مدري وش اقولكم كنت وقتها باول ثانوي رجعت لمدرستي مزح وضحك مع صديقاتي القديمات .. كونت مجموعه مره كبيره من البنات، وكنت بقمة الذوق معهن لكن سبحان الله الا ما نقدر نكسب محبة الناس كلهم .. كان لي اعداء ، واصعب الاعداء الي يكونون من تحت لتحت وجالسين معك ، كنت الاحظ حقد بس ما اركز نيتي تسبق ذكائي .. المهم تدرون وين التغيرر ؟ من ثاني ثانوي طاح شعري كله .. وربي انصلعت يابنات شعري خصل خصل خصل .. وزني نط فجاءه ٣٠ كيلو وتدمرة نفسيتي ووجهي كله شعر .. حياتي صارة من سيء ل اسوأ لدرجة ادعي اني اموت وارتاح .. المهم طلعت من ذي المدرسه ورحت لحكومي .. على اخر سنه بثالث بسبب كثرة المشاكل الي بدون سبب
لكن الغريب بالموضوع من جمعتنا " بمدستي القديمه ماقد جتني الدوره .. كنت متهاوشه مع بنت وجت غصبتني الا اكل معها .. والله من بعدها ما شفت العافيه .. ماودي اسيء الضن بس جالسه اموت باليوم اكثر من مره فيه بنت ماتجيها الدوره اربع سنوات ؟ .. وقد حلمت ان جاء شيء يلحقني وكنت ابكي ومعي مفتاح كأن فيه لغز .. والقى الصندوق وافتحه وابكي ويطلع قران .. وقتها ربي كلمني وقال اقريه راح انصرك عليهم بس استمري بالقراءه .. وصحيت من النوم . ولما جاء شهر رمضان قلت بختم القران بديت منن اول رمضان اول ما مسكت القران جتني الدوره وماراحت الا نهاية رمضان ،، يعني تنقطع اربع سنوات وما تجي الا بالشهر الفضيل ؟؟ بنات اقسم بالله بموت من الحاله الي انا فيها .. ابوي ما سكت ماخلى مستشفى ما وداني له ورحت للاردن اكثر من مره انصدموا من حالتي قالوا البنت كل شي فيها سليم لا هرمونات ولا شيء اخر شيء عطونا من الاخر قالوا فيه اشياء ما تبين معنا روحوا لشيخ .. ورحنا وكل ما قرا ارجف واستفرغ واحلم ف بيووت مهجوره وكلاب كبيره هذا من غير الاحلام وانا على ارض الواقع احس اهلي بدوا يقولون مجنونه اصرخ من حالي والله اشوف نمل وعقارب على رجولي بس لما اصرخ يختفون والله تعبت نفسياً والشيخ يقول بنتك مسحوره والسحر ماكلته بس ماني قادره اصدقه ، كيف تسحر بنت عمرها ١٥ سنه .. هذا انا اكلمكم وعمري قرب لل٢٠ ليش الناس صارت ما تخاف ربها ؟؟؟؟؟ حتى الرقيه وصلاتي ماني قادره اتحملهم .. والمضحك المبكي كنت ناشره الايكلاود عند بنات صفي "حساب الايفون"
قبل امس فتحت جوالي بالملاحظظات حصلت " انا استحضرهم عشان ادمر ...... اللي هو اسمي وان خلاص كل شيء فيها بسببي .. جلست ابكي وارجف ليش كذا ياربي ..

تكفون لا قراءه جالسه تنفع ولا صلاة شوروا علي حياتي جالسه تنتهي وانا ف عمر الزهور والله اني ماقد اذيت احد ليش كذا يصير معي الالام دايم ف مكان بطني من تحت .
مرات اقول الحمدلله ربي جالس يظهر لي علامات لدرجة حلمت فيه وفالرسول صلى اله عليه وسلم ..
ومرات اقول يالله شكل ربي مايحبني لو يحبني ما نساني وتركني اتعذب استغفر الله ....
ترا مو مقتنعه اني مسحوره عشان ماا اوسوس واقول وش فرقي عن العالم وش معنى انا ؟ والشيخ كذاب
ولا البنت متأكده منها .. بس هي الوحيده اللي اكلت منها ودخولها علي كان مريب .. وكانوا حتى صديقاتي يحقدون من لاشيء .


تكفون انصحوني لو بكلمه ، لا تخلوني كذا ..
وجهي امتلى شعر وحياتي مره تدمرت ، حسبي الله

ابي شيء يفكني من الي انا فيه علماً اني ما اترك الصلاه لكن مو متغير اي شيء .
يأست من حياتي ..



محدثتكم نسبتها ٩٩،٨٠ تعقدت عليها امور الجامعه والحين جالسه بالبيت مستوعبين ؟؟؟؟؟؟؟؟