والله حاجه تقهر شوفو

قريت موضوع لاخت والله ناسيه اسمها تقول انو لمن راحت تولد في المستشفى دخلها برد وبعدها اتجمد دم النفاس وما صار يخرج زي الناس
صادقه ياختي اتذكرت والله يوم ولادتي وانا على كشك الولاده(( في مستشفى حكومي خاص بالنساء والولاده بمكه)) والادميه عمال تصلح ما افسدته الولاده (( خيط ومقص العده..)) اتخيلو المكيف السبلت موجه عليا تماما وانا متجمده من البرد الله يكافيهم السميع العليم اتخيلو الموقف الله لا يبارك فيهم حتى اني الله يعزكم (( قضيت حاجتي)) من البرد القارس وتقلي ليه كدا يا حبيبتي حبتها القراده قلتلها مو بارادتي انا بردانه اش تقلي شويا واخلص الخياطه وافتحلك المجاري البوليه بالله القائمين على امور النساء والولاده ما يعرفو ضرر الهوا البارد على الوالده ما فيه احد يتكلم ما فيه احد يوعي الجاهلين هذولا انا صح ولا غلط ومن هنا عرفت ليه دم النفاس اكرمكم الله ما استمر الا خمس ايام بالكتير وبعدها اتوقف والله من يوم ما عرفت جلست ادعي عليهم بالرغم من مرور سنتين و3 شهور على هذا الكلام بعم ولدي الله يهديه
ارجو التفاعل لكل من تدخل نبغي نسوي حاجه نبغى نوصل معلومه مهمه لا تضحكو عليا والله من قهري لازم الطب العربي يتعاون مع الطب الحديث خاصة في مسأله مهمه زي كدا.. ليش الممرخات والدايات ما يصير بينهم وبين دكاترة النسا تعاون والله الحريم رح يستفيدو كتير .. ودمتم سالمين