والله حاسه فيكم ومتعاطفه معكم بس ......

السلام عليكم ورحمة الله وبركاته

خواتي راح ادخل بالموضوع على طول انا ملاحظه كثير مواضيع عن الزواج يعني الي تشتكي انها ما تزوجة وانها كبرت بالعمر
حبيبتي كل شي يصيبك مكتوب لك من صغرك اذا امنتي بالشي هذا راح ترتاحين واسمحيلي اقولك الزواج ماهو عماد الحياة لا ياما من وحده متزوجه وتقول ليتني عانس احسن واقرو مشاكل كثير من البنات والرجل :arb: ماهو الكون والعالم كله الرجل جزء منه زي ما انا وانتي جزء منه وانا عارفه بتقولون الاطفال
انا وحده ما تزوجة الا وانا كبيره وعشت لا اب ولا ام عند اخوان و زوجاتهم اذا حنو ورحمو قالو تروحين معنا واذا ما حنو خلوني بالبيت والله انهم يسافرون لبنان وتركيا وتونس وانا في بيتهم وهم والاطفال والشغاله يروحون اتخيلو ياخذون شغاله سيلاانيه حق لبنان واختهم بالبيت مره اتسممت يومين ولا احد حس فيني ولا فكرو يقولون وينها ماشفناها الشغاله تذكرني بالاكل وهم اخر همهم اكلت ولا ما اكلت اذا حطو القمه اكلو ولا يكلفون على انفسهم بقولت نادوها
بس هذا ما خلاني انكسر بالعكس كل ما يخطبني احد احسه تحت المستوى الي ابيه كنت ارفض وكنت اسمع عبارت التهكم من زوجات اخواني والتريقه على سني بس ولا همني لاني ابي اعيش ما ابي اتزوج واتطلق وارجع لذل مره ثانيه بس ذي المره بعيال ولقب مطلقه
(( وكنت اقول في خاطري ما عليش بكره الاقي واحد خبل زي اخوي وياخذني زي ما اخذك وانتي ما تقبلك الكلاب هههههههههههههههه كنت اوسع صدري بس بالسر ))
ولما كتب لي الزواج تزوجت خلال 3 شهور
فيا خواتي لا تستعجلون على رزقكم اصبرو وبتلقون الزوج ان شاء الله
واهم شي لا تنطرين احد يدعي لك احنا راح نقراء الموضوع اليوم وندعي لك بس بكره بننساك انتي الحي بالدعاء وتضرعي الى الله سبحانه وتعالى احنا مالنا حاجه الحاجه لك انتي اطلبيها انتي احنا علينا انا ندعي لك في ضهر الغيب والله كنت اقوم الساعه 1 واتوضاء واصلي وادعي وساعات ابكي خصوصن اذا كنت محروقه من كلمه ولا حركه من زوجات اخواني
الشي الاهم روحو لشيخ يرقي يا بنات اقسم بالله انا ما تزوجت الا لما رحت لشيخ يرقي ورقاني مدة شهر ما كملت الشهر الا انا متملكه
يا حبايبي يمكن فيك عين ولا نفس مانعه عنك الزواج ولا سحر وانتي ما تدرين
بالاخير ولا وحده تزعل انها ما تزوجة ولا وحده تحزن يمكن خير لك ازعلي واحزني على عمرك اذا راح منغير طاعة الله ولا على معصيه
وصدقوني بيجيكم نصيبك ونشوفكم عقب كم سنه تشتكون من اعيالكم وشقاوتهم ما ابي اقول ازواجكم لاني اتمنى لكم السعاده من كل قلبي وراح تذكرون كلام ريا وسكينه .
اتمنى مد يزعل مني بس انا كتبت لكم من محبتي ومن تجربه وحبيتكم تقرونها اذا ما كانت مفيده تكون سلتكم اشوي
وبالاخير يا ربي ترزق كل بنت بالزوج الصالح الطيب الحنون والكريم الي يخافك يا رب بالسر والعلاانيه
قولو امين
:icon28: وزغروطه للحبايب