والله حالة .. ثمان سنين ولاأعرف كم راتبي !!! :(

السلام عليكم معلمات عالم حواء

مثل ماهو باين في العنوان والله الذي لاإله إلا هو إن لي

ثمان سنوات تقريباً ولو تسأليني كم راتبك ؟ بقولك والله مدري

تسأليني أنتِ على أي مستوى وأي درجة ؟ برد عليك نفس الإجابة والله مدري

ليييييييييييييييش ؟؟؟؟؟

بعض الأسباب قلة ماأنكرها جهل مني لكن أغلبها بسبة تفاوت

الراتب في كل شهر من تعيينت لأن كل شهر ينزل لي بشكل

جديد ومختلف متفاوت بشكل وااااااضح إلا فيما ندر

واللي زاد الطين بلة إجازات رعاية المولود اللي أخذتها متواصلة

ولفترة طويلة تقريباً سنتين

قبل كنت أحس في تلاعب مرررررررة قوووووووي في راتبي الكامل

وهالحين في (ربع الراتب) مرة 1000 وشوي مرة 2000 وشوي ومرات 3000 وشوي

وهالحين راتب شهر 3 كان 8000 وشوي ؟؟؟؟؟ كيييييييف كذااااا ؟؟؟؟؟ على كيفهم

يعني

هل كان هذا راتب الشهرين ؟؟؟ وإلا وش بالضبط ؟؟؟

علماً يابنات حواء إني لازلت في إجازة رعاية مولود الآن بربع الراتب.

>> طبعاً اللي مدري لهالحين كم ربع راتبي :(

الإجازة اللي بدايتها كانت من الفصل الدراسي الأول 1430 / 1431

وحتى الآن الفصل الثاني 1432/1431 يعني أربع فصول دراسية متتالية


علماً إن تعييني كان بداية رمضان لعام 1425 والمؤهل بكالوريوس (غير تربوي)


تكفووووووون عندي عدة استفسارات مهمة محتاجة إجابة :

- أبي أعرف أنا في أي مستوى وأي درجة ؟
- أبي كيف راتبي الكامل كم هالحين ؟ وربع راتبي كم ؟
- وش وضع المكرمة وراتب الشهرين معي وأنا في أمومة من سنتين تقريباً ؟
- هل راتب الشهرين الدبل يكون للربع وإلا لراتبي الكامل ؟
- وهل نزلت وإلا مابعد نزلوها ؟
- كيف أعرف ربع الراتب لراتبي ؟ يعني كيف طريقة حسابها بالضبط ؟

أخيراً

- هل فيه احد مثلي ملاحظ التلاعب والتفاوت الكبير برواتب المعلمات اللي بأمومة ؟
وإلا بس أنا اللي لاعبين علي يوم شافوا وحدة مفهية ولاتدري وين ربها حاطة بخصوص
الراتب اللي ينزل ولاعمرها فكرت تراجع وتسأل أو تطالب :(


ياليت حبيبات قلبي تساعدوني وتفهموني وضعي بالضبط لأني

والله والله تعبانة من هالموضوع مررررة وماأنام الليل بس أفكر

وإن شاء الله إني ماراح أنساكم من الدعاء في جوف الليل لها ولمن تحب بما تحب

في ظهر غيب ولاتنسون دعوة أخيك لك بظهر الغيب مستجابة

فما بالكم والدعوة من ملهوف محتااااااج إغاثة



جعل اللي ترد وتساعدني أو حتى ترفع الموضوع إذا ماتعرف شي

في أعلى درجات الجنة ويمتعها بنعيمها برفقة حبيب الأمة محمد صلى الله عليه وسلم

وجعل ربي يحرم وجهها من النار هي وكل غالي وعزيز عليها


آسفة للإطالة بس حبيت أوضح كل شي علشان تقدرون تساعدوني


بناااااات تكفون تكفون تكفون نخيتكن


أنا في انتظاركم مالي إلا الله ثم أنتم