السلام عليكم ورحمة الله وبركاته
..كل عام وانتم بصحه وعافيه..
..كل عام وانتم بسعاده وخير..
خواتي انا اليوم ضايق صدري :44:وبقوه امس عيد ولا حسيت فيه عندي اهل واقارب وزوج زوجي ماقصر معي لكن انا بحاجه لاهلي:icon33: خواتي ترى هذي فضفضه وقمة الفوضى لاني وانا اكتب بحاله مايعلم فيها الا الله علشان كذا انواع الحوسه با الكتابه
والله لو اقولكم اني متعيده لحالي ماتصدقون تعبت ولا احد درى عن ولا احد كلم علي انا تراني صغيره مو كبيره انا عمري 22 لكن انا عشت في بيت قبل لا اتزوج الله اعلم بحاله والله يابنات لو اقاربي مايدخلون المنتدى كان كتبت لكم حياتنا ببيت اهلي بس صعبه اكتبها واكثر اقاربي يدخلون المنتدى وراح يعرفوني
والله اني تعبانه وصرت احب اجلس ببيتي اكثر الايام الناس يجتمعون وانا ما احب احضر اجتماعات احد لاني تعبت من الحسد والغيبه والنميمه والكره
بنات عمركم حسيتو با احساس وحده امها وابوها عايشين لكن ماتحس بوجودهم اابوي لاهي بحريمه وعياله اذا كان عندنا نعد الساعات متى يخلص اليوم ويروح للزوجته الثانيه لان وجوده مسبب خوف لنا
وامي بلشه مع ابوي وحريمه وناسيه عياله واحتياجاتهم واخواني علشان انهم ذكور استغلو وضعهم وتسلطو علي في اشياء مالهم اي حق فيها
الحين انا متزوجه وبفضل ربي اكرمن بزوج حنون علي سخي لكن مع كل هذا احس اني ناقصه وبقوه ودي احس يوجود امي <الحمدلله باره بها >ودي تسالن عن ودي اذا جيت لمها تسولف علي توجهني با امور الدنيا الي اجهلها الدنيا لطمتني من كل جهه لاني صغيره ولا اعرف شي فيها اعرف اني اضحي لا اجل غيري اعرف اني لازم اكون طيبه و اذا اخطى علي احد ما ادافع عن نفسي
اعرف انه ممكن يجي يوم وانهان وانضرب ولا القى احد سند لي
هذا الي اعرفه
والله ان الدنيا لطمت فيني لحد ماوصلت للي انا فيه
انسانه شبه انطوائيه الي يشوفني يقول هذي اسعد انسانه
بنات اوقات اقول ليت مالي اهل كان اقل شي اقدر اعزي نفسي لكن هذي الدنيا والله يعيننا
الحين عمري 22 واحس مليت تعبت خواتي كتابتي ملخبطه لكن قهر كان ودي اوضح لكم وضعي صح لكن الشكوا لله هذا الي قدرت اقوله مع انو الي بداخلي لو راح اكتبه ماراح اخلص ابد من الكتابه
لكن ما اقول الا الله يهدي امي وابوي واخواني طبعا اخواني ما الومهم لانهم عاشو ببيت مافيه الا القسوه تعودو يشوفون تسلط ابوي على امي وشافو الظلم لكن الي قاهرني هم كبرو وصارو اشد قسوه من اول
الحين انا متزوجه لكن دايم افشل من زوجي واهل زوجي تقل مقطوعه من شجره
وقت الحاجه تدق امي علي بس
الله يسخر لي عباده وكل اخواتي في حواء الله ينصرهم على من ظلمهم والله يسخر لهم عبده
بنات تكفون الي تبغى تجرح رجاء لاتكتب شي الله يجزاها خير
والي راح ترد رد يواسيني الله يجزاها الف خير ويسعدها دني واخره
والي راح ترفع الموضوع بدعوه الله يجعل لها بمثل مادعت واكثر
دعواتكم لي با ان يهدين الله ويثبتني
ملاحظه خواتي يقولو انسي الهم تعرفو ايش مشكلتي انو اهليي اي ضيقه او مشكله تمر عليهم على طول يدخلوني فيها وانا طبعي اشيل هم واتعب ولا اقدر اشوف امي متضايقه وعندها مشكله وارتاح الله ياجرني بفرج قريب
يلزم عليك تسجيل الدخول أولًا لكتابة تعليق.
الله يفرج كربتك وكربتي ويرزقنا الضنا الصالح
اميــــــــــــــــــــــــــــــــن يارب
اميــــــــــــــــــــــــــــــــن يارب
أسال الله رب العرش العظيم ان يفرج همك ويشرح صدرك ويهدي اهلك ويجمع بينكم باالموده ويبعد عنكم البغضاء والشحناء وسعي صدرك ياالغاليه
الصفحة الأخيرة
الله يهدي ـآهلك