(إذكرو الله)
(ماشالله تبارك الله)
كيفكم
اول حياكم على فجان قهوه ...
وحلو الله يحلي أياامكم ..
وقلطواا
وياهلا فيييكم
انا ترا عندي 3 اطفال ورا بعض وادرس انتساب بالجامعه
بس منظمه وقتي والحمدلله ..شاطره ببيتي وجيده بدراستي..واطفالي الله يحفظهم ماني مقصره معاهم..
والله العظيم ماكتبت هذا الموضوع عشان أمدح نفسي...والله ماكتبته الا عشان افيدكم زي ماستفدت منكم..
وانا فرحاااااااااانه..لانه تنظيم الوقت صعب لاكني قدرت اتحدى الصعوبه...وكل ما احد قال بنزورك ما اعتذر..اقوله حيااااااك لاني واااثقه من بيتي ومن عدم تعبي...والله جاراتي يطبو عليا ومايقولولي الا بنفس اليوم ...ما شيل اي هم
كيكه عالسريع ..وقهوه ولا شاهي ونتونس.........
جلستنا انا وعيالي في الصاله.......ماندخل الغرف نهااائيا.......
وان كركبو العيال يكركبو بالعابهم ......واذا وسخو انظف بنفس الوقت..
.......وما اخلي الغرف نهائيا مفتووحه..والله بدون مبالغه بنفستي الثالثه في ناس جو ماصدقو ان أثاثي من بداية زواااجي ......يقولون كأنه جديد.ماشالله تبارك الله ..وقت الاكل الكبيره عمرها 3 سنين ونص تاكل فوق طاولة الطعام..والوسطاني سنه ونص انا أأكله..وان اكل بنفسه وعدم الدنيا برضه انظف بنفس الوقت.. والصغيره لسع ترضع 5 اشهر الله يقويني ياااااارب
(المهم بلا كثر القرقره )
1_ انام الساعه 12 الى 1 .........حسب الظروف
2_ اصحى قبل عيالي اقل شي بساعه.....اذاعندي شغل جاااااامد وضيوف اصحى 9 (عشان الحلى والمعجنات وما الى ذلك)
بس يوميا اصحى من 10 الى 11 حسب الضرووف ..
3_ يوم اغسل ويوم لا .......فالملابس ماتتراكم والغسيل ما ياخذ وقت وبنفس الوقت اطبق الملابس عشان عندي جفافه
والي يحتاج كوي ينكوي .....وبنفس اليوم عشان مايتراكم عليا الشغل..واحيانا ما اكوي اذا مالي نفس اطبق وبس..لاني ما اطيييق الكوي نهااااائيا..
4- نجي لشغل البيت .(شهري)كل شهر اقلب البيت وانظفه نظاافه كامله وبم انه عندي 3 غرف فكل سبت من بداية كل اسبوع امسك غرفه ..والاسبوع الرابع للمطبخ(الفرن.الثلاجه.رخام الجدران.الدواليب) والصاله..الصاله صغيره وجلستنا فيها . يشمل المراوح ..والشبابيك والنجف وشفاطات الحمام وكل شي مرتفع .......
5_ (اسبوعي)..شفاط المطبخ.. دواليب المطبخ .الفرن المكيفات ومو كل المكيفات تحتاج اسبوعيا بس غرفة نومي ...مسح الابواب بكلوركس وديتول..تلميع الصنابير..تنظيف حمام الضيوف
6_ (يومي) مسح الاثاث من الغبار .. كنس الصاله وغرفة النوم والمطبخ ..ومسحها ..
الصاله امسح التلفزيون ..طبعا الكنب مغطيته لانها تعتبر غرفة معيشتنا ناكل ونجلس فيها ..امسح البقع اذا فيه عالموكيت ..امسح السرميك ..وادور على الغرف امسح الاغبره .....وغرفة النوم امسح التسريحه والكمودينات واكنس وتنظيف السرير ونفظه ..وتنظيف اسرة الاطفال واذا لزم الامر اغير مفارشهم ..انظف حمام العيله والمغاسل يوميا ..
ادخل المطبخ وانظفه امسح الدواليب اذا حتاجت والسرميك والثلاجه من برا ...
المهم بنص شغلي اليومي لازم يصحو عيالي اروشهم وافطرهم ..وبعد ماكمل شغل البيت
وابدأ أطبخ غدايا
..بعدين 
اتروش والبس ونتغدى لما يجي ابو الشباب 
.. اخر شي ........
ابخر ...وخلاص .......
الشغل اليومي سهل جدا وما ياخذ وقت لو استمريتي على الشغل الاسبوعي والشهري .......
والله العظيم تجي الساعه 5 العصر وانا فاااضيه ساعه اتصفح وساعه اذااكر وساعه العب مع عيالي
اسوي خلطات لشعري ووجهي وحالي مااااشي تماااااااام
وكل من شافني قلي يوووه كيف مسويه مع الثلاااثه.....الله يعينك .........
مايدرون ان رحمة الله فوق كل شي.........
ملاحظة:قبل ما أنام اقول
سبحان الله 33
الله اكبر 34
الحمدلله 33
وملاااحظه اخرى.......يابنات طبعا في ايام اسهر فيها للظروووره زي ايام الاختبااارات او اذا مرض احد من اطفالي ......ساعتها زوجي راح يقدر عشان شايفني ماني مقصره طووول العمر..راح يعذرني..
أحيانا اشتهي النت بعد الفجر ولا بأخر الليل ..وما أقصر مع نفسي.بس اهم شي ما يأثر على تنظيمي