والله زوجي يضحك...تفضلوا اضحكوا

الحمدلله عندي بنت وحامل بالشهر الرابع ورحت فحصت اليوم سونار
وقالتلي الدكتورة مو باينة اعضاء الولد فعلى الاغلب بنت
ومن وقتها زوجي قالب وجهه كأنه حد ميت له

ومارضي يتعشى (مع انه يعشق يعبي كرشته)

وحواجبه ملزقين ببعض ومو طايق يكلمني ولا يكلم أحد

بالاول لما طلعت من الدكتورة بكيت كثير وقلتله وليش زعلان ومدري شو

بس قلبتها بعقلي وصرت اضحك عليه وقلتله انت من زعلان من مين بالضبط؟
مني؟ من نفسك؟
لا طبعا نحن مالنا دخل
بس زعلك يدل على انك زعلان من ربنا وانه اعطاك بنت.ومنت راضي بقدره

ولما تزيد كشرته اضحك بزيادة واقول بجد الله يعينك

انقهر مني وقلي حتصل على امي تواسيني كانه بنته او حرمته المتوفيين قلتله ما ابغى احد يدري اني حامل ببنت حتى اهلي ماحخبرهم لاني ادري حيقولوا الله يعوض عليك بالولد وانا ابغى اكمل حملي وانا مرتاحة نفسيا بدون كلام يسم البدن


المهم اني ضحكت..ما ادري عشو اضحك عالدنيا الي انا عايشة فيها
او عزمن الجاهلية الي احنا فيه
او على زوج زعلان على قضاء الله
او على البنت المسكينة الي ببطني
او على كل حرمة يغثوها لانها عندها بنات
او اضحك من قهري!

اااخ بس اااخ
اضحكوا يا بنات ووسعوا صدوركم ترى المهم الصحة والعافية ولا يهمك زعل زوجك عبنت لان زعله من قضاء الله مو منك ولا شيء