السلام عليكم
كيفكم يابنات حواء
هذي اول مره اكتب موضوع في المنتدى دايم ادخل واقرأ مواضيعكم وارد على بعض المواضيع
واستمتع بكتاباتكم لكن اللي شفته خلاني افقد اعصابي وقلت ابي اخذ رايكم في اللي صار
انا من سكان الشرقيه ويوم الخميس اللي طاف دقت علي عمتي وقالت وش عندك اليوم قلتلها
ماعندي شي قالت وش رايك فيه كوفي شوب في الخبر جديد وفيه مكان مخصص للنساء وش رايك
نروح له قلتلها طيب بما انه فيه مكان مخصص للنساء نروح علشان ناخذ راحتنا فيه
اخذت بنتي اللي هي في سنه ثاني متوسط:06: وعمتي احذت بنتها اللي في ثالث ثانوي:06:
ياليتنا مااخذناهم علشان ماشافو اللي صار:32:
المهم مااطول عليكم رحنا للكوفي شوب ودخلنا وكان المحل فاضي وصعدنا للدور الثاني اللي فيه مكان
النساء وكانت المفاجأه:32:
بنت عمتي فتحت الباب وسكرته بسرعه وقالت فيه رجال:arb:
عمتي خوافه مره قالت وشو رجال قالت ايه ومعاه بنت
انا ماتحملت قلت وش دخل الرجال بمكان خاص للنساء
عمتي قالت يله ننزل قلتلها لا ابشوف وش السالفه
يوم حاولت افتح الباب الا الرجال ماسكه بقوه
وانا مصره اني افتحه يوم شاف مافيه فايده
تركه ويوم شفته طلع ولد عمره مايتعدى 16 سنه
وكان معاه بنت حاولت تتغبى ورا الطاولات لكن هيهات لحقتها بعيوني الين صدتها
والله البنت مايتعدى عمرها 14 سنه
قلت للرجال قصدي الولد
وش مدخلك مكان النساء قال انا ..... ماعرف يرد وبعدين قال هذا محلنا :confused:
قلت حتى لو انه محلكم مايعطيك الحق تدخل هنا
وين المسول هنا :D
وانزل ولقى عماله فلبينيه وقلتله وين المدير الا طلعلي ذاك السعودي الله يسود وجهه
قلتله وينكم عن المحل فيه ولد فوق ومعه بنت في خلوه غير شرعيه وانتم نايميين
سوى نفسه مستغرب وطلع سعودي ثاني وقام يحكي معه
وبعدين طلع فوق يسوي نفسه يبي يشوف السالفه
الا الولد نزل وقعد يحكي معه بصوت منخفض
وبعدين طلع من المحل والبنت مازالت فوق
انا ماصبرت رجعت للبنت قلت ابي انصحها خاصه انها كبر بنتي والله لو شفتوها ترحمونها
اول شي سألتها مين هذا ؟؟ قالت : اخوي
من ردها تأكدت انها مهي عارفه وش تقول
قعدت انصحها واذكرها بالله وانه هذا الشي حرام
المهم اعترفت وقلتله وين امك ؟؟ وشلون جيتي هنا؟؟
قالت جيت مع صديقاتي قلتلها وينهم ؟؟
قالت حطوني وراحو
والنعم والله خوش صداقه
المهم نصحتها وذكرتها بالله وهي منزله راسها في الارض ومستحيه من نفسها
الا شوي الولد جاي ويقول بعد اذنك ياخاله ممكن اخذها
قلتله حرام عليك بنات الناس مو لعبه واللي سويته غلط
رد على بكلام يضحك
قال انا احبها ومحد يقدر ياخذها مني وانا اعرفها من خمس سنين:hahaha::
يعني يوم هم في الروضه
المهم مااطول عليكم
التفت على البنت وقلتلها هذا ترى:booo: بكرا يرميك ويدور على غيرك
وهو قاعد يضحك وماهمه
اللي قهرني ان الموظفين يدرون وهم اللي مرتبين القعده وسو انفسهم ماعندهم سالفه
المهم اخذ الولد البنت وطلعو وانا رحت للموظف وسألته عن اسم صاحب المحل لاني قلت ابي اكلم
الهيـئه واعلمهم عن المحل يمكن هذا مو اول ثنائي يختلون خلوه غير شرعيه
اكيد قبلهم كثير
المهم عطاني اسم صاحب المحل وهو وجهه:44:
وش رايكم يابنات حواء اكلم الهيئه وابلغ عن المحل
اخاف بسكوتي يكون علي اثم لاني شفت منكر وما غيرته
شورو علي الله يسعدكم
ضاربه الهوا بويه @darbh_alhoa_boyh
عضوة نشيطة
يلزم عليك تسجيل الدخول أولًا لكتابة تعليق.
احس فات الوقت كان دقيتي على الهيئه على طول بنفس الوقت
وبدون مايحسون
القهر بنتك اللي بثاني متوسط شافت هالمناظر
حسبي الله ونعم الوكيل
قال احبها قال
وبدون مايحسون
القهر بنتك اللي بثاني متوسط شافت هالمناظر
حسبي الله ونعم الوكيل
قال احبها قال
الله يستر علينا وبنات المسلمين ياختي كلمي الهيئه بس ياريتك ما خذا دليل او شهود المهم كلمهم
الله يجزاكي خير لانك راح تنقذي بنات --------------------
الله يجزاكي خير لانك راح تنقذي بنات --------------------
الصفحة الأخيرة
وجزاكِ الله خيرا على موقفك النبيل وإنكارك للمنكر