والله شي يقهر

جامعاتنا العزيزة ومادراك ماجامعاتنا .
كرهت شي اسمه معيدة..والله كرهت هاوظيفة من كل قلبي..يمكن حتى لو يعطوني اياها اللحين ارفض..كم مرة ينزلون اعلان واقدم خاصة في الملك سعود ويسوون لي اختبار ووو وعل يالهم حريصين وهم والله بس شكليات عشان الناس يقولون ايه اكيد بدون واسطة..اصلا لو واسطة مااعلنوا وحطوا اختبار؟؟...طبعا لازم يسوون كذا عشان يبعدون الشبهة عنهم..حتى يوم دقوا علي عشان الاختبار التحريري للوظيفة المزعومة ..دقوا مرة وحدة بس.مارديت وطولا ماعادوا الاتصال رحت انا دقيت.....اعرف وحدة والله اقل مني مستوى توظفت في الامام لان عمها توسط لها...حتى الكلام هذا صار عيني عينك..مرة اختي دقت عليهم عشان الوظائف الادارية اللي معلنينها..قالها الموظف..اذا ماعندك واسطة لاتقدمين ولاتتعبين نفسك..يعني هو موظف معهم وعايش كل اللي يصير ..وعارف كل شي وماخفي كان اعظم...
والله ثم والله اني اعرف في جامعة الرياض اختين متوظفات معيدات في نفس القسم وفي نفس السنة ..وغيرهم اختين برضوا نفس الشي..ماشاء الله وش هالصدف العجيبة؟؟
خلاص ابي بنوك شركات اي شي الا وظيفة بجامعة والله كرهت كل شي يتعلق بالجامعات..احس ان الوصول لها ضرب من التعجيز؟؟